بالی ووڈ کنگ شاہ رخ خان نے کیریبین پریمیئر لیگ ( سی پی ایل ) میں اپنی ٹیم ٹرنباگو نائٹ رائیڈرز (ٹی کے آر) کیلئے 2 پاکستانی کرکٹرز سے معاہدہ کرلیا۔
بھارتی میڈیا رپورٹس کے مطابق دنیا کی نامور فرینچائزز کے مالک شاہ رخ خان نے کیریبیئن پریمیئر لیگ 2025 کے ڈرافٹ میں اپنی ٹیم ٹرنباگو نائٹ رائیڈرز (ٹی کے آر) کے لیے 2 پاکستانی پلیئرز سے ساتھ معاہدہ کیا ہے سی پی ایل میں شاہ رخ کی فرنچائز ٹی کے آر سے معاہدہ کرنیوالے 2 پاکستانی کھلاڑیوں میں محمد عامر اور محمد عثمان طارق شامل ہیں-
محمد عامر اس سے قبل بھی سی پی ایل کے 4سیزن کھیل چکے ہیں اور وہ سی پی ایل کے 39 میچز میں 18.09 کی شاندار اوسط سے 51 وکٹیں حاصل کرچکے ہیں،جبکہ عثمان طارق نے پی ایس ایل 2025 میں کوئٹہ گلیڈی ایٹرز کے لیے شاندار کارکردگی کا مظاہرہ کرتے ہوئے صرف 5 میچز میں 10 وکٹیں لیں،یہ عثمان طارق کا سی پی ایل میں ڈیبیو ہوگا-
واضح رہے کہ شاہ رخ خان انڈین پریمیئر لیگ میں کولکتہ نائٹ رائیڈرز کے مالک ہیں اس کے علاوہ بھی وہ دنیا کی کئی کرکٹ فرنچائز کی ملکیت رکھتے ہیں-
امریکی فوجی اڈوں پر حملہ:قطر نے ایرانی سفیر کو طلب کر لیا
پاکستان ہاکی ٹیم کے کپتان نے اسپورٹس بورڈ کی دعوت ٹھکرا دی
وزیراعظم شہباز شریف سے چینی سفیر کی ملاقات
