بالی وڈ اداکار شاہ رخ خان اوراداکارہ دپیکا پڈوکون کے خلاف معروف کار برانڈ کی گاڑی میں تکنیکی خرابی سامنے آنے کے بعد مقدمہ درج کر لیا گیا۔
بھارتی میڈیا رپورٹس کے مطابق راجستھان کے شہر بھرت پور کی وکیل کیرتی سنگھ نے کار برانڈ کی مینو فیکچرنگ میں مبینہ طور پر نقائص سامنے آنے کے بعد کمپنی کے منیجنگ ڈائریکٹر، کل وقتی ڈائریکٹر، سی ای او اور شوروم مالکان کےخلاف مقدمہ درج کروایا ہے،مقدمے میں شاہ رخ خان اور دپیکا پڈوکون کو بھی نامزد کیا گیا ہے، دونوں پر الزام ہے کہ بالی وڈ کی یہ شخصیات خراب گاڑیوں کی تشہیر کر رہی ہیں،مقدمے میں شاہ رخ اور دپیکا پر الزام لگایا گیا ہے کہ انہوں نے خراب پروڈکٹ کے اشتہارات کی تشہیر کر کے صارفین کو گمراہ کیا ‘۔
ایف آئی آر میں کیرتی سنگھ نے مؤقف اپنایا کہ انہوں نے 2022 میں 23 لاکھ 97 ہزار بھارتی روپے کی کار بینک لون پر خریدی تھی، کار خریدنے کا فیصلہ معرو ف بالی وڈ اداکاروں کے اشتہارات دیکھ کر اور برانڈ کی جانب سے کار کے مکمل طور پر’Trouble free‘ ہونے کی یقین دہانی کے بعد کیا گیاتاہم استعمال کے چند مہینوں کے دوران ہی کار میں تکنیکی خرابیاں سامنے آنے لگیں حتیٰ کہ ان مسائل کی بنا پر کار کئی بار حادثے کا شکار ہوتے ہوتے بھی بچی، ڈیلرشپ سے رابطے پر انہیں بتایا گیاکہ کار کی مینوفیکچرنگ میں خرابی ہے جسے درست نہیں کیا جا سکتا۔
بھارت نے چمیرا ڈیم سےپانی چھوڑ دیا، دریائے راوی میں پانی کی سطح مزید بلند
اس حوالے سے پولیس حکام کا مؤقف بھی سامنے آیا ہے جس میں بتایا گیا ہے کہ دونوں شخصیات کے خلاف ایف آئی آر درج کرکے تفتیش شروع کر دی گئی ہے۔
ٹرمپ نے 4 بار فون کیے، مودی نے کالز وصول کرنے سے انکار کر دیا، جرمن اخبار کا دعویٰ
