سیالکوٹ،باغی ٹی وی (بیوروچیف شاہدریاض) مختلف علاقوں میں پولیس کارروائیاں، منشیات اور اسلحہ برآمد، متعدد گرفتار
سیالکوٹ پولیس نے مختلف تھانوں کی حدود میں کارروائیاں کرتے ہوئے منشیات، اسلحہ اور شراب برآمد کر کے متعدد ملزمان کو گرفتار کر لیا۔
تھانہ حاجی پورہ کے علاقے میں دوران گشت عامر سے رائفل اور دو گولیاں برآمد ہوئیں، جبکہ تھانہ نیکاپورہ میں معظم سے 1 کلو 360 گرام چرس پکڑی گئی۔ تھانہ مراد پور کی حدود میں شہباز سے 2 کلو 260 گرام چرس برآمد کی گئی۔
تھانہ اگوکی کے علاقے میں یاسر کے قبضے سے 10 لیٹر شراب، جبکہ تھانہ موترہ میں شکیل، سفیان اور اسرار سے 11 لیٹر شراب برآمد ہوئی۔ رانا امتیاز سے 2 کلو 440 گرام چرس، تھانہ صدر پسرور میں ندیم سے 5 لیٹر شراب اور تھانہ سبز پیر میں سرور احمد سے پستول اور تین گولیاں برآمد کر کے مقدمات درج کر لیے گئے۔
پولیس نے تمام ملزمان کے خلاف قانونی کارروائی کا آغاز کر دیا ہے۔
