سیالکوٹ (باغی ٹی وی ڈسٹرکٹ رپورٹر مدثر رتو) ڈپٹی کمشنر سیالکوٹ صبا اصغر علی نے تحصیل سمبڑیال کے سیلاب سے متاثرہ گاؤں کھرل کا دورہ کیا، ان کے ہمراہ اسسٹنٹ کمشنر غلام فاطمہ بندیال بھی موجود تھیں۔ اس موقع پر مال مویشیوں کے لیے ونڈا تقسیم کیا گیا جبکہ متاثرہ خاندانوں کو خوراک کی فراہمی کو یقینی بنایا گیا۔
ڈپٹی کمشنر صبا اصغر علی نے متاثرین سے گفتگو کرتے ہوئے کہا کہ مشکل کی اس گھڑی میں حکومت اور قوم متاثرہ عوام کے ساتھ شانہ بشانہ کھڑی ہے۔ انہوں نے کہا کہ مواصلات کی بحالی، مال مویشیوں کے لیے چارہ اور عوام کو خوراک کی فراہمی ضلعی انتظامیہ کی اولین ترجیحات میں شامل ہے تاکہ لوگوں کو فوری ریلیف دیا جا سکے۔
ان کا مزید کہنا تھا کہ ضلعی انتظامیہ اور متعلقہ ادارے دن رات بحالی کے کاموں میں مصروف ہیں جبکہ سول سوسائٹی بھی اس نیک کام میں اپنا بھرپور کردار ادا کر رہی ہے۔
