سیالکوٹ:گذشتہ روزحادثہ میں جاں بحق ایک ہی خاندان کے 4افراد کی نمازجنازہ ادا کردی گئی

سیالکوٹ( نمائندہ باغی ٹی وی شاہد ریاض) گزشتہ روز ٹریفک حادثہ میں جانبحق ہونے والے بدقسمت خاندان کے چاروں افراد کی نماز جنازہ سیالکوٹ کے علاقہ سمبڑیال میں ادا کر دی گئی۔جنازہ کے وقت رقت آمیز مناظر،ہر آنکھ اشکبار تھی

گزشتہ روز موٹروے پر کالا شاہ کاکو کے قریب سفر کرتے ایس ایچ او ہیڈمرالہ کاشف بٹ کے بھائی جو اپنی فیملی کے ساتھ سوار تھے کی گاڑی ٹائر برسٹ ہونے سے الٹ گئی حادثہ میں تاجر ہمایوں بٹ انکی اہلیہ 11 سالہ بیٹا عبدالاحد اور 8 سالہ بیٹی روحی زندگی کی سانسوں سے محروم ہو گئے تھے۔

جاں بحق افراد کی نماز جنازہ سیالکوٹ سمبڑیال میں ادا کر دی گئی بدقسمت خاندان کے جب جنازے اٹھائے گئے تو علاقہ میں کہرام بپا تھا اور ہر آنکھ اشکبار تھی،

نماز جنازہ میں ڈسٹرکٹ پولیس آفیسر سیالکوٹ حسن اقبال،ڈی ایس پی موٹروے اقبال بٹ،ڈی ایس پی پسرور شہباز چیمہ،ڈی ایس پی سمبڑیال رضا کار حسین،ڈی ایس پی رانا ندیم طارق،ڈی ایس پی ہیڈ کوارٹر رانا جمیل احمد،ڈی ایس پی سی آئی اے رانا محمود الحسن سمیت ضلع بھر کے ایس ایچ اوز ،شاہد ریاض باغی ٹی وی سیالکوٹ ،صنعتکار وکلاء برادری اور سیاسی و صحافتی شخصیات سمیت سینکڑوں افراد نے شرکت کی

مرحومین کو آہوں اور سسکیوں میں مقامی قبرستان میں سپرد خاک کر دیا گیا