ڈاکٹرزنے پتے کے اپریشن کی بجائے مریض کی نس بندی کااپریشن کردیا

ڈاکٹرزنے پتے کے اپریشن کی بجائے مریض کی نس بندی کااپریشن کردیا،میرے تین بڑے لڑکے ہیں, لیکن میں لڑکی پیدا کرنے کا خواب دیکھ رہا تھا,متاثرہ مریض
تفصیل کے مطابق ارجنٹائن میں لاپرواہ ڈاکٹرز نے پتے کا آپریشن کرانے آئے بدقسمت شخص کی نس بندی کردی،جارج بیس نامی شخص جب آپریشن کے بعد بیدار ہوا تو اسے معلوم ہوا کہ وہ اب مزید کسی بچے کا باپ نہیں بن سکتا۔

اکتالیس سالہ جارج نے ارجنٹائن کے ٹی وی چینل ”El Doce“ کو بتایا کہ ’میرے تین بڑے لڑکے ہیں، لیکن میں لڑکی پیدا کرنے کا خواب دیکھ رہا تھا،جارج نے کہا کہ ’ڈاکٹرز کا کہنا ہے کہ اس غلطی کو واپس تبدیل کرنے کے امکانات کم ہیں‘۔

متاثرہ مریض کا مزید کہنا تھا کہ میں بہت ناراض اور بے بس محسوس کرتا ہوں، میں سمجھ نہیں سکتا کہ انہوں نے ایسی غلطی کیسے کی جبکہ میرے تمام میڈیکل ریکارڈز پر پتے کا آپریشن لکھا ہوا تھا۔