اسٹاک ہوم میں مقامی مسجد کےسامنے ہزاروں افرادکا قرآن پاک ہاتھوں میں اٹھاکر احتجاج

اسٹاک ہوم کے مرکز میں واقع مقامی مسجد کے سامنے ہزاروں افراد نے قرآن پاک ہاتھوں میں اٹھاکر احتجاج کیا۔

باغی ٹی وی : سویڈن میں قرآن پاک کی بے حرمتی کے واقعے کے خلاف بڑا احتجاج کیا گیا، مظاہرین اسٹاک ہوم کے مرکز میں واقع مقامی مسجد کے سامنے جمع ہوئے اور ہزاروں افراد نے ہاتھوں میں قرآن پاک اٹھا کر اپنا احتجاج ریکارڈ کرایا مظاہرے میں خواتین اور بچوں کی بھی بڑی تعداد شریک تھی، جو قرآن کی بے حرمتی کے خلاف سراپا احتجاج تھے۔

دوسری جنب قرآن پاک کی بے حرمتی کے واقعے پر یمن کے حوثیوں نے سویڈن سے درآمدات پر پابندی عائد کر دی حوثی وزیر تجارت نے کہا کہ درآمدات پر پابندی کا فیصلہ سویڈن میں قران کی بے حرمتی کے بعد کیا گیا سویڈش اشیا کی درآمدات محدود ہیں تاہم یہ فیصلہ علامتی اہمیت رکھتا ہے۔

فی الحال یوکرین نیٹو ممبرشپ کیلئے تیار نہیں ہے،امریکی صدر

یمنی میڈیا نے حوثی وزیر تجارت کا حوالہ دیتے ہوئے کہا کہ یمن وہ پہلا ملک بن گیا ہے جس نے قرآن پاک کی بے حرمتی کے بعد سویڈش تجارت پر پابندی لگائی ہے۔

علاوہ ازیں سرائے عالمگیر میں سویڈن کے خلاف شہریوں نے احتجاج کیا اور شہریوں نے جی ٹی روڈ پر بیٹھ کر قرآن پاک کی تلاوت کیقرآن خوانی میں شہریوں کی بڑی تعداد شریک ہوئی اور انہوں نے مطالبہ کیا کہ سویڈن کا سفارتی بائیکاٹ کیا جائے۔

سعودیہ کا فرانس سے توانائی کےشعبے میں تعاون پر اتفاق

واضح رہے کہ سویڈن میں قران کی بے حرمتی کا دلخراش واقعہ 28 جون کو عید الاضحیٰ کے روز ہوا تھا، واقعے کے خلاف پاکستان سمیت کئی ملکوں میں احتجاج کیا جا رہا ہے یورپی یونین نے بھی اپنے ردِ عمل میں سویڈن واقعے کو جارحانہ اور اشتعال انگیزی کا واضح عمل قرار دیا جبکہ کیتھولک عیسائیوں کے سب سے بڑے پیشوا پوپ فرانسس نے بھی اپنے بیان میں کہا کہ کسی بھی مذہبی کتاب کی بے حرمتی کی اجازت نہیں دی جا سکتی۔

طالبان نے افغانستان سے تیل نکالنے کا آغاز کردیا