باغی ٹی وی،گوجرہ(.عبدالرحمن نامہ نگار)جماعت اسلامی چنیوٹ کے امیر پر تشدد کی پرزور مذمت کرتے ہیں۔ان خیالات کا اظہارجماعت اسلامی ٹوبہ ٹیک سنگھ کے امیرمولاناحافظ فرحان اللہ نے جھنگ روڈگوجرہ میں تنظیمی آفس میں صحافیوں سے گفتگو کر تے ہو ئے کیا۔انہوں نے کہاکہ ڈی پی او چنیوٹ نے چنیوٹ جماعت اسلامی کے امیرچوہدری محمد اسلام کوڈاکٹرز اور نرسوں کی حمایت کر نے پرناجائز طور پر تشددکا نشانہ بنایاجس کی ہم پر زشور مذمت کر تے ہیں اور مطالبہ کر تے ہیں کہ ذمہ داران کے خلاف فوری طور پر کارروائی کر تے ہو ئے انہیں معطل کر کے انکوائری کی جائے۔اگرانہیں معطل کر کے کارروائی نہ کی گئی تو آئی جی پنجاب پولیس کے دفتر گھیراؤ کرکے اپنے مطالبات منوائیں گے۔
Shares:
