باغی ٹی وی کی رپورٹ کے مطابق پنجاب میں خواتیں اور بچوں کے ساتھ زیادتی و بدفعلی کے واقعات میں کمی نہ آ سکی
پولیس کارروائیوں میں مصروف لیکن جنسی درندے بھی وارداتوں سے باز نہیں آ رہے ہر روز ایک دو نہیں بلکہ درجنوں زیادتی کے واقعات رپورٹ ہوتے ہیں۔نہ رپورٹ ہونے والے واقعات کہیں زیادہ ہیں۔ پنجاب کے شہر خان پور میں طالب علم کو بلوا کر زیادتی کا نشانہ بنا کر ویڈیو بنا لی گئی اور بلیک میل کرنے کی دھمکی دی گئی پولیس نے کاروائی کرتے ہوئے ملزم کو گرفتار کر لیا ہے
ترجمان پولیس کے مطابق خان پور تھانہ اسلام گڑھ پولیس نے درخواست پر فوری کارروائی کی اور بارھویں جماعت کے طالب علم کو دھوکے سے چولستان بلوا کر زیادتی کا نشانہ بنانے والا ملزم گرفتار کر لیا واقعہ کا مقدمہ درج کر لیا گیا ہے پولیس نے زیادتی کا شکار متاثرہ نوجوان کی درخواست پر مقدمہ درج کیا، گھناونا کام کرنے والے گرفتار ملزم کا نام جاوید ہے ؛مبینہ طور پر ملزم نے دھوکے سے بلوا کر زیادتی کا نشانہ بناتے ہوئے ویڈیو بنائی پولیس کی جانب سے گرفتار ملزم سے تفتیش عمل میں لاتے ہوئے مزید کاروائی جاری ہے پولیس مقدمہ کو میرٹ پر یکسو کرتے ہوئے ملزم کو کیفرِ کردار تک پہنچائے گی ،
