چنیوٹ(نامہ نگارحسن معاویہ) چنیوٹ نے ایک بار پھر اپنی شاندار تعلیمی روایات کو قائم رکھتے ہوئے تاریخ کا منفرد ریکارڈ قائم کیا ہے۔ ہونہار طالب علم محمد احمد قاسمی نے پہلی ہی کوشش میں سی ایس ایس (CSS) کے تحریری امتحان میں کامیابی حاصل کر کے اپنے خاندان اور شہر کا نام روشن کیا ہے۔
محمد احمد قاسمی کا تعلق ایک ایسے خاندان سے ہے جس نے تعلیم اور فنون دونوں شعبوں میں نمایاں خدمات انجام دی ہیں۔ ان کے والد قاضی مدثر حسن قاسمی نہ صرف ایک معروف پروفیسر تھے بلکہ ملک کے مایہ ناز اداکار بھی تھے۔ ان کے دادا جعفر قاسمی کو بھی کئی اہم اعزازات حاصل تھے، جن میں بی بی سی لندن کے ساتھ منسلک رہنا اور این ای پی اے (NEPA) اور سول سروسز اکیڈمی میں بطور لیکچرار خدمات انجام دینا شامل ہے۔
محمد احمد قاسمی کی یہ کامیابی ان کے خاندان کی تین نسلوں کے تعلیمی اور پیشہ ورانہ ورثے کی عکاسی کرتی ہے اور چنیوٹ کے لیے فخر کا باعث ہے۔
