fbpx

’دی کپل شرما شو‘ کی کامیڈین اسٹار سوگندھا مشرا رشتہ ازداج میں منسلک ہو گئیں

بھارت کے مقبول ترین کامیڈین پروگرام ’دی کپل شرما شو‘ سے شہرت پانے والی خاتون کامیڈین اسٹار سوگندھا مشرا رشتہ ازداج میں منسلک ہو گئیں-

باغی ٹی وی : سوگندھا مشرا نے اپنے تصدیق شدہ انسٹاگرام اکاؤنٹ پر اپنی شادی کی تقریب کی تصویر شیئر کی ہے۔

انسٹاگرام پر شیئر کی گئی تصویر میں خوبصورت عروسی لباس میں ملبوس ہیں جبکہ اُن کے شوہر نے دلکش شیروانی زیب تن کی ہوئی ہے سوگندھا مشرا کے شوہر اُنہیں پھولوں کی مالا پہنا رہے ہیں جبکہ وہ نظریں جھکائے مسکرا رہی ہیں۔

سوگندھا مشرا نے اپنی شادی کی یہ خوبصورت تصویر شیئر کرتے ہوئےاپنے شوہر سے مخاطب ہوکر لکھا کہ اور اسی کے ساتھ آپ کی زندگی اور میرے قوانین۔

کامیڈین اسٹار کی پوسٹ پر ٹونی ککر اور نہیا ککر سمیت دیگربھارتی فنکاروں اور مداحوں کی جانب سے مبارکباد دینے کا سلسلہ جاری ہے-

واضح رہے کہ حال ہی میں سوگندھا مشرا نے بھارتی مزاح نگار و اداکار سنکیت بھوسلے سے منگنی کی تھی جس کی تصویریں اُنہوں نے اپنے انسٹاگرام اکاؤنٹ پر شیئر کی تھیں۔

خیال رہے کہ ’دی کپل شرما شو‘ ناصرف بھارت میں مقبول ہیں بلکہ سرحد کے اِس پار یعنی پاکستان میں بھی اس شو کو خوب مقبولیت ملی ہے۔شو میں پاکستان سے اب تک وسیم اکرم بمعہ اہلیہ شنیرا اکرم، شعیب اختر، راحت فتح علی خان، فواد خان اور شعیب ملک بمعہ اہلیہ ثانیہ مرزا، مومل شیخ سمیت دیگر ممتاز شخصیات شرکت کرچکی ہیں۔

چاہتی تھی میری شادی کی ایک گرینڈ تقریب ہو اور 10 کلو کا لہنگا پہنوں سوگندھا مشرا

جواب چھوڑیں

آپ کا ای میل ایڈریس شائع نہیں کیا جائے گا.