شوگر ایڈوائزری بورڈ کا چینی کی مزید برآمد کی اجازت سے انکار

وفاقی وزیر صنعت و پیداوار رانا تنویر حسین کی زیر صدارت شوگر ایڈوائزری بورڈ کا اجلاس ہوا
اجلاس میں وفاقی وزیر تجارت جام کمال خان نے بھی شرکت کی، اجلاس کے بعد جاری اعلامیہ میں کہا گیا ہے کہ اجلاس میں ملک میں شوگر کے اسٹاک کی مجموعی صورتحال کا جائزہ لیا گیا، آنے والے سیزن کے لیے گنے کی فصل کے تخمینے کا جائزہ لیا گیا، آنے والے کرشنگ سال میں چینی کے مجموعی اسٹاک کی پوزیشن کا بھی جائزہ لیا گیا، بورڈ نے مقامی مارکیٹ میں چینی کی موجودہ قیمتوں پر اطمینان ظاہر کیا، رانا تنویر حسین کا کہنا تھا کہ مقامی مارکیٹ میں چینی کی قیمتوں میں کمی کا رجحان ہے، تمام شوگر ملیں 21 نومبر سے کرشنگ شروع کر دیں گی، 21 تاریخ تک کرشنگ نہ کرنے والی ملوں کے خلاف کارروائی ہوگی،کاشتکاروں کی تمام ادائیگیاں کرشنگ سیزن شروع ہونے سے پہلے مکمل کی جائینگے،جو ملز کاشتکاروں کے واجبات ادا نہیں کریں گی ان سے برآمد کی اجازت واپس لے لیں گے، پی ایس ایم ای نے مزید چینی برآمد کرنے کی اجازت مانگی،جب تک برآمد کا پہلا کو ٹا مکمل نہیں ہوتا مزید اجازت نہیں دے سکتے،