کراچی شہر کے مصروف ترین تجارتی علاقے طارق روڈ پر ہفتے کی شب ایک بڑی ڈکیتی کی واردات پیش آئی، جس میں سنار سے تقریباً 4 کروڑ روپے لوٹ لیے گئے۔
پولیس کے مطابق دو موٹرسائیکلوں پر سوار چار مسلح ڈاکو سنار سے 3 کروڑ 95 لاکھ روپے لوٹ کر فرار ہو گئے۔واقعے کا مقدمہ متاثرہ تاجر محمد بلال کی مدعیت میں تھانہ فیروزآباد میں درج کر لیا گیا ہے۔ تاجر نے اپنے بیان میں بتایا کہ وہ صدر صرافہ بازار سے سونا فروخت کر کے واپس آ رہا تھا۔ جیسے ہی گاڑی طارق روڈ کے قریب پارک کی، دو پیدل ڈاکوؤں نے ان پر اور ان کے ملازم عمران پر اسلحہ تان لیا اور 3 کروڑ 98 لاکھ روپے لوٹ کر فرار ہو گئے۔
پولیس حکام کے مطابق واردات رات 9 بجکر 15 منٹ پر پیش آئی، اور واقعے کی مختلف پہلوؤں سے تفتیش کی جا رہی ہے۔ پولیس سی سی ٹی وی فوٹیجز سمیت شواہد کا جائزہ لے رہی ہے تاکہ ملزمان کو جلد از جلد گرفتار کیا جا سکے۔
امیر مقام کی گورنر خیبر پختونخوا سے ملاقات، سینیٹ انتخابات پر مشاورت
کراچی میں مخدوش عمارتوں کے مسئلے پر وزیر بلدیات کی سربراہی میں کمیٹی قائم
یہ ایک معاشی جھوٹ امریکہ کو اندر سے تباہ کر رہا ہے.تحریر:ناصر اسماعیل
