ممبئی: گووندا کے وکیل کے بعد سنیتا آہوجا کے منیجر نے دونوں میاں بیوی کے درمیان طلاق کی خبروں کو جھوٹا قرار دے دیا۔
باغی ٹی وی : گزشتہ کئی روز سے بھارتی میڈیا میں گووندا اور سنیتا آہوجا کے درمیان شادی کے 37 سال بعد علیحدگی کی خبریں گرم ہیں، جس نے سوشل میڈیا پر بھی تہلکہ مچا رکھا ہے بھارتی میڈیا پر دونوں شخصیات کے درمیان طلاق کی وجہ گووندا کا 30 سالہ مراٹھی اداکارہ کے ساتھ مبینہ تعلق بتایا گیا تھا تاہم اس حوالے سے دونوں شخصیات کی جانب سے کسی قسم کی تصدیق یا تردید سامنے نہیں آسکی تھی۔
بھارتی میڈیا کی جانب سے سنیتا آہوجا سے رابطہ کرنے پر ان کی منیجر سعدیہ سولکر نے تمام خبروں کو جھوٹا قرار دیا اور کہا کہ یہ سچ نہیں ہے دوران گفتگو سنیتا کی منیجر نے مزید افواہوں پر تبصرہ کرنے سے انکار کردیا۔
قبل ازیں گووندا کے وکیل للیت بنڈل نے انکشاف کیا تھا کہ اداکار کی اہلیہ نے چھ ماہ قبل طلاق کی درخواست دائر کی تھی انہوں نے کہا کہ ایسا ضرور ہوا تھا مگر اس کے بعد ان دونوں کے درمیان معاملات ٹھیک ہوگئے اور سنیتا نے اپنا فیصلہ واپس لے لیا اور اب وہ ایک ساتھ ہیں وہ نئے سال کے موقع پر نیپال گئے تھے جہاں انہوں نے ایک ساتھ پشوپتی ناتھ مندر میں پوجا کی اور ساتھ وقت گزارا جس کے بعد ان کے درمیان صلح ہوگئی، میاں بیوی کے درمیان اس قسم کی چیزیں ہوجاتی ہیں۔
اوچ شریف:نلکااڈہ، نوجوان کی تشدد زدہ لاش برآمد، علاقے میں خوف و ہراس
گزشتہ روز بھارتی میڈیا پر گووندا کے خاندان کے قریبی ذرائع کا حوالہ دیتے ہوئے بتایا گیا تھا کہ سنیتا نے چند ماہ قبل علیحدگی کا نوٹس بھیجا تھا تاہم گووندا کی جانب سے اس نوٹس کا کوئی جواب نہیں دیا گیا طلاق کی قیاس آرائیاں سامنے آنے کے بعد جب بھارتی میڈیانے گووندا سے رابطہ کیا تو انہوں نے ان قیاس آرائیوں پر کوئی جواب نہیں دیا اور کہا کہ ’اہلیہ سے صرف کاروباری بات چیت ہورہی ہے جب کہ میری توجہ فلمیں بنانے پر مرکوز ہے‘ ۔
سانحہ 9 مئی : عمران خان کی درخواست پر سماعت 2 ہفتوں تک ملتوی
واضح رہے کہ گووندا اور سنیتا کی شادی کو 37 سال کا عرصہ گزرچکا ہے اور جوڑے کا ایک بیٹا اور ایک بیٹی ہے جب کہ سنیتا اور گووندا نے 1987 میں اس وقت شادی کی تھی جب گووندا بالی وڈ میں اپنی شناخت بنانے کی کوشش کر رہے تھے۔