ممبئی: بالی وڈ اداکار گووند ا کی اہلیہ سنیتا آہوجا نے علیحدگی کے حوالے سے نیا ویڈیو پیغام جاری کیا ہے-
باغی ٹی وی : ان دنوں گووندا اور ان کی اہلیہ کے درمیان طلاق کی خبریں زیرِ گردش ہیں جب کہ گونداکے وکیل انکشاف کرچکے ہیں کہ سنیتا نے 6 ماہ قبل ہی اداکار سے طلاق کے لیے عدالت سے رجوع کرلیا تھا تاہم بعد ازاں سنیتا کی منیجر نے ان تمام خبروں کو جھوٹا قرار دیا تھا۔
اس سےقبل سنیتا اپنی ویڈیو میں گووندا سےعلیحدہ رہنے کاا نکشاف کیاتھا کہاتھاکہ ہمارا فلیٹ اور ایک بنگلو آمنےسامنے ہی ہیں، فلیٹ میں میرا مندر ہے اور میں بچوں کے ساتھ رہتی ہوں جب کہ گووندا بنگلو میں رہتے ہیں۔
چیمپئنز ٹرافی : انگلینڈ کا جنوبی افریقا کیخلاف ٹاس جیت کر بیٹنگ کافیصلہ
شوہر سے علیحدہ رہنے کے بیان پر گووندا کی اہلیہ کی حال ہی میں ایک اور ویڈیو سامنے آئی ہے جس میں انہوں نے وضاحت دیتے ہوئے بتایا کہ گووندا سے الگ رہنے سے متعلق بیان کا مطلب یہ تھا کہ جب گووندا نے سیاست میں قدم رکھا تو سارے پارلیمنٹیرین گھر میں آنے لگے، اس وقت میری بیٹی جوان ہورہی تھی، میں اور میری بیٹی شارٹس پہن کر گھومتے ہیں اس لیے ہم نے سامنے آفس لے لیا تھا،مجھے اور گووندا کو اس دنیا میں الگ کرنے والا کوئی مائی کا لال ہے تو سامنے آجائے‘۔
مصطفیٰ عامر قتل کیس، تفتیشی افسر سے پیش رفت رپورٹ طلب
واضح رہے کہ گووندا اور سنیتا کی شادی کو 37 سال کا عرصہ گزرچکا ہے اور جوڑے کا ایک بیٹا اور ایک بیٹی ہے، سنیتا اور گووندا نے 1987 میں اس وقت شادی کی تھی جب گووندا بالی وڈ میں اپنی شناخت بنانے کی کوشش کر رہے تھے۔
