سپریم کورٹ کا مونال بارے فیصلہ پر اسٹے دینے والا سینئر سول جج معطل

سپریم کورٹ کے مونال ریسٹورنٹ گرانے کے فیصلے کے باوجود اسٹے دینے والے سینئر سول جج کو معطل کر دیا گیا

اسٹے دینے والے سینئر سول جج انعام اللہ کو او ایس ڈی بنا کر فوری ہائیکورٹ رپورٹ کرنے کا حکم دے دیا گیا،اسلام آباد ہائیکورٹ کے چیف جسٹس عامر فاروق نے سینئر سول جج کے خلاف انکوائری کا بھی حکم دے دیا ،
سینئر سول جج انعام اللہ کے انکوائری افسر ڈسٹرکٹ اینڈ سیشن جج کامران بشارت مفتی ہوں گے ،اسلام آباد ہائیکورٹ کے چیف جسٹس عامر فاروق نے آج سینیر سول جج انعام اللہ کو ہائیکورٹ بھی طلب کیا تھا

واضح رہے کہ سپریم کورٹ نے رواں سال جون میں نیشنل پارک پیر سوہاوہ روڈ پر مونال تمام ریسٹورینٹس 3 ماہ میں مکمل ختم کرنے کا حکم دیا تھا،گزشتہ ماہ سپریم کورٹ نے نیشنل پارک ایریا میں بنے ریسٹورینٹس کی نظرثانی درخواستوں پر فیصلہ سناتے ہوئے انہیں مسترد کردیا تھا اور نیشنل پارک ایریا میں بنے ریسٹورینٹس بند کرنے کا اپنا فیصلہ برقرار رکھا، جس کے بعد مونال کو بند کر دیا گیا ملازمین کو فارغ کر دیا گیا اور مونال کو مسمار کر دیا گیا.