اسلام آباد: سپریم کورٹ آف پاکستان نے کہا ہے کہ اینٹی کرپشن ہاٹ لائن صرف سپریم کورٹ سے متعلق مقدمات اور انتظامی امور کے حوالے سے قائم کی گئی ہے۔
عدالت عظمیٰ کی جانب سے جاری کردہ وضاحتی اعلامیہ میں کہا گیا ہے کہ یہ ہاٹ لائن صرف سپریم کورٹ میں مقدمات کی فکسنگ اور دیگر انتظامی معاملات کی شکایات درج کرنے کے لیے مختص ہے۔اعلامیہ میں مزید کہا گیا کہ اس ہاٹ لائن پر سپریم کورٹ کے افسران اور عملے سے متعلق شکایات کو درج کیا جا سکتا ہے۔ تاہم، سپریم کورٹ سے باہر کی شکایات اس ہاٹ لائن پر قبول نہیں کی جائیں گی۔ عدالت عظمیٰ کے مطابق، دائرہ کار سے باہر کی شکایات پر کوئی ردعمل نہیں دیا جائے گا اور ان پر کارروائی نہیں کی جائے گی۔
یہ اقدام سپریم کورٹ کی جانب سے ادارے میں شفافیت کو یقینی بنانے اور کرپشن کی روک تھام کے لیے اٹھایا گیا ہے تاکہ صرف متعلقہ معاملات پر توجہ مرکوز کی جا سکے۔
