سپریم جوڈیشل کونسل نے ججز کیخلاف شکایات نمٹانے پر انکے نام پبلک کرنے کی تجویز مسترد کردی
ذرائع کا بتانا ہے کہ چیف جسٹس پاکستان یحییٰ آفریدی کی زیر صدارت سپریم جوڈیشل کونسل کا اجلاس ختم ہو گیا ہے،نجی ٹی وی کے مطابق ذرائع کا کہنا ہے کہ اجلاس میں عدالتی ضابطہ اخلاق سمیت دیگر امور پر غور کیا گیا، سپریم جوڈیشل کونسل کا اجلاس دو گھنٹے تک جاری رہا، سپریم جوڈیشل کونسل نے ججز کیخلاف شکایات نمٹانے پر ان کے نام پبلک کرنے کی تجویز مسترد کر دی، اجلاس میں یہ فیصلہ بھی ہوا کہ جن ججز کیخلاف شکایات نمٹائی جاتی ہیں ان کے نام پبلک نہ کرنے کا کونسل کا فیصلہ ہے،
دوسری جانب سپریم جوڈیشل کونسل کا اجلاس چیف جسٹس یحییٰ آفریدی کی زیر صدارت منعقد ہوا جس کا اعلامیہ جاری کر دیا گیا،اعلامیہ کے مطابق اجلاس میں جسٹس منصور علی شاہ، منیب اختر، عالیہ نیلم اور جنید غفار نے شرکت کی،سپریم جوڈیشل کونسل سروس رولز 2025 کا مسودہ منظور کر لیا گیا،ضابطہ اخلاق میں ترامیم پر مزید قانونی غور کی ضرورت قرار،انکوائری کے طریقہ کار پر بھی مزید مشاورت کی جائے گی، اجلاس میں ججز کے خلاف 24 شکایات پر غور کیا گیا، 19 شکایات کو متفقہ طور پر خارج کر دیا گیا،5 شکایات کو مؤخر کر دیا گیا،
