اسلام آباد: وزیر اعظم شہباز شریف سے گورنر خیبر پختونخوا فیصل کریم کنڈی نے ملاقات کی جس میں سیاسی صورتحال اور صوبے کے مسائل پر تبادلہ خیال کیا گیا۔
باغی ٹی وی : ملاقات کے بعد گورنر خیبر پختونخوا فیصل کریم کنڈی نے میڈیا سے گفتگو میں بتایا کہ وزیرِ اعظم سے میری پہلی ملاقات تھی، جس میں وزیرِ اعظم نے گورنر بننے کی مبارک باد دی، فیصل کریم کنڈی نے کہا کہ خیبر پختونخوا کے مسائل پر وزیرِ اعظم سے بات کی ہے ان سے کہا کہ چشمہ رائٹ لفٹ کینال کے لیے فنڈز مختص کیے جائیں علاوہ ازیں کے پی میں لوڈ شیڈنگ کے مسئلے پر بھی بات ہوئی، سوئچ آن یا آف کرنے سے مسائل حل نہیں ہوتے، وزیرِ اعلیٰ خیبر پختونخوا سے کہا ہے کہ تمام مسائل مذاکرات اور دلائل سے حل کرنا ہوں گے۔
گورنر کے پی نے بتایا کہ فاٹا اور پاٹا کے ٹیکس کے حوالے سے بھی وزیرِ اعظم سے بات ہوئی ہے کے پی میں 26 یونیورسٹیوں کے وائس چانسلر نہیں ہیں، دیر موٹر وے کے معاملے پر بات چیت ہوئی سرکاری ملازمین کی تنخواہوں میں 25 فیصد اضافہ کیا جانا چاہیے، وزیر اعظم سے ڈیرہ اسماعیل خان میں ایئر پورٹ کی تعمیر کے حوالے سے بھی تبادلہ خیال ہوا ہے،ساتھ ہی ساتھ صوبے میں امن کے حوالے سے بھی بات ہوئی-
ناکافی شواہد پر بانی پی ٹی آئی 9 مئی کے دو مقدمات میں بری
فیصل کریم کنڈی نے قائم مقام صدر یوسف رضا گیلانی اوروزیراعظم شہبازشریف سے الگ الگ ملاقات کی، انہوں نے قائم مقام صدر کو علی قاسم گیلانی کی کامیابی پر مبارکباد دی۔
