بین الاقوامیتازہ ترین

بھارت:طالبعلم نے یونیورسٹی کے ایڈمٹ کارڈ پر ولدیت کے خانے میں عمران ہاشمی اور سنی لیون کا نام لکھ دیا

5 سال قبل
5 سال قبل

بھارت :یونیورسٹی کے ایڈمیشن کارڈ پر ولدیت کے خانے میں عمران ہاشمی اور سنی لیون لکھنے والے طالب علم کو عمران ہاشمی نے دلچسپ جواب دے ڈالا۔

باغی ٹی وی :بھارتی میڈیا رپورٹس کے مطابق بھارتی ریاست بہار سے تعلق رکھنے والے 20 سالہ طالب علم نے اپنی یونیورسٹی کے ایڈمٹ کارڈ پر ولدیت کے خانے میں بالی وڈ اداکار عمران ہاشمی اور اداکارہ سنی لیون کا نام لکھ کر سب کو حیرت میں مبتلا کردیا۔

یونیورسٹی انتظامیہ کی جانب سے جب خبر کو سوشل میڈیا پر ڈالا گیا تو فوراً وائرل ہوگئی جس پر اداکار عمران ہاشمی نے بھی دلچسپ تبصرہ کر دیا-


سماجی رابطے کی ویب سائٹ پر اس خبر کو شیئر کرتے ہوئے عمران ہاشمی نے لکھا میں قسم کھاتا ہوں یہ میرا بچہ نہیں ہے۔


دوسری جانب عمران ہاشمی کے جواب پر صارفین کی جانب سے کمنٹس میں دلچسپ جوابات دیے گئے۔ ایک صارف نے تو اس طالب علم کا ایڈمٹ کارڈ ہی شیئر کردیا۔


اشیش کمار نامی صارف نے عمران ہاشمی کو مخاطب کرتے ہوئے لکھا کہ میں ایک قدم آگے بڑھ کر کہتا کہ ہاں میں تمہارا بیٹا ہوں، لیکن سنی لیونی کو بطور ماں سوچنے سے بھی نفرت ہے کیوں کہ وہ میرا ’کرش‘ ہے۔

دوسری جانب یونیورسٹی انتظامیہ نے واقعے کی انکوائری کا حکم دیتے ہوئے کہا کہ یقینی طور پر یہ کسی کی شرارت ہے اور ممکنہ طور پر طالب علم نے خود ہی ایسا کیا ہوگا تاہم انکوائری رپورٹ کی بنیاد پر کسی کے خلاف حتمی فیصلہ لیا جائے گا۔

ٹیگز:
زمرہ جات:
بین الاقوامیتازہ ترینشوبز
Shares:

مزید خبریں