کراچی کے علاقے منگھوپیر کی عمر گوٹھ سے نویں جماعت کے طالب علم 16 سالہ عابد کا اغوا کرلیا گیا ہے۔
باغی ٹی وی کے مطابق مغوی عابد مدرسے کا طالب علم ہے اور وہ پانچ مارچ کو نماز پڑھنے کے لیے گھر سے نکلا تھا۔ اغواکاروں نے اس کے بھائی سے 6 کروڑ روپے تاوان کا مطالبہ کیا ہے۔پولیس حکام کے مطابق، اس واقعے کا مقدمہ درج کرلیا گیا ہے اور تفتیش کی ذمہ داری اے وی سی سی (اینٹی وائلنٹ کرائم سیل) کو سونپ دی گئی ہے۔
ایس ایس پی ویسٹ طارق مستوئی کے مطابق، پولیس اس واقعے کی تحقیقات کر رہی ہے اور اغواکاروں کی تلاش میں ہے۔وزیر داخلہ سندھ ضیا الحسن لنجار نے بھی واقعے کا نوٹس لیتے ہوئے پولیس حکام سے مکمل تفصیلات طلب کی ہیں۔ترجمان کے مطابق وزیر داخلہ نے اس معاملے میں کسی بھی قسم کی غفلت یا تاخیر کی صورت میں سخت کارروائی کی ہدایت کی ہے۔
ریڈیو پاکستان کی کرایہ پر دی جانے والی عمارات کے کرائے میں اضافہ کی ہدایت