تبلیغی مرکز میں بنائے گئے قرنطینہ سنٹر میں 31 افراد میں ہوئی کرونا کی تشخیص

0
77

تبلیغی مرکز میں بنائے گئے قرنطینہ سنٹر میں 31 افراد میں ہوئی کرونا کی تشخیص
باغی ٹی وی کی رپورٹ کے مطابق سندھ کے شہر حیدر آباد میں کرونا کے مریضوں میں اضافہ ہوا ہے

تین روز قبل حیدر آباد کے تبلیغی مرکز کو قرنطینہ سنٹر بنا یا گیا تھا، وہان موجود 200 افراد کے ٹیسٹ کئے گئے تھے ان میں سے 31 تبلیغی جماعت کے افراد میں کرونا وائرس کی تشخیص ہوئی ہے ،تبليغي اجتماع کے دوران متاثرہ افراد ميں وائرس منتقل ہوا.حيدرآباد ميں ایک دن میں رپورٹ ہونے والے کيسز کی تعداد 36 ہو گئی. سندھ ميں کورونا کيسز کی مجموعی تعداد 566 ہو گئی

وزیراعلیٰ سندھ سید مراد علی شاہ کا کہنا تھا کہ سندھ میں لوکل ٹرانسمیشن کے 205کیسز ہیں،195لوگ گھروں میں آئسولیشن میں ہیں ،چاہتاہوں کہ عوام سماجی دوری کواپنائیں اور صحت کے اصولوں پر زندگی گزاریں.

واضح رہے کہ حیدر آباد میں تبلیغی جماعت کے ساتھ مسجد میں موجود ایک چینی باشندے میں کرونا وائرس کی تشخیص ہوئی تھی جس کے بعد تبلیغی جماعت کے دیگر اراکین اور ان سے ملنے والے 200 اراکین کو مسجد میں ہی آئسولیٹ کر دیا گیا تھا،19 سالا چینی نوجوان کچھ ہفتے قبل 210 افراد کے ساتھ رائیونڈ تبلیغی اجتماع سے سیدھا تبلیغ کے لیے قاسم آباد کی وحدت کالونی میں قائم نور مسجد آیا تھا۔

واضح رہے کہ محکمہ صحت سندھ نے کوروناوائرس سےایک اورہلاکت کی تصدیق کردی،صوبےمیں ہلاکتوں کی تعداد6ہوگئی، ایک روز میں سندھ میں کرونا سے 3 مریضوں کی ہلاکت ہو چکی ہے،ایک خاتون کی ہلاکت ہوئی،متاثرہ خاتون10دن پہلےسعودی عرب سےآئیں تھیں،

وزارت صحت سندھ کے مطابق سوموار کی صبح بھی دو افراد کی ہلاکت ہوئی دونوں افراد کی عمریں 52 اور 66 سال کی تھیں، دونوں افراد کرونا کے مریض تھے اور ہسپتال میں زیر علاج تھے. جاں بحق ہونے والے افراد میں 3 روز قبل کرونا کی تصدیق ہوئی تھی.

سندھ میں کرونا کے مریضوں میں بھی اضافہ ہوا ہے،مجموعی طورپرکورونامریضوں کی تعداد 566 ہو گئی، حیدرآباد سے 31 کورونا کیسزرپورٹ ہوئے،

سندھ میں ایک اور ہلاکت کے بعد سندھ میں مجموعی ہلاکتوں کی تعداد 6 ہو گئی،کرونا وائرس سے پنجاب میں 9، خیبر پختونخواہ میں 5، گلگت بلتستان میں 2 اور بلوچستان میں ایک ہلاکت ہو چکی ہے، پاکستان میں ہلاکتوں کی مجموعی تعداد 22 ہو گئی. کورونا وائرس سے سندھ میں 23 افراد صحتیاب ہو گئے. مرتضیٰ وہاب نے بتایا ہے کہ ان 23 زائرین کی ٹیسٹ رپورٹ منفی آئی جس کے بعد انھیں صحتیاب قرار دیدیا گیا ہے

قبل ازیں وزیر اعلیٰ سندھ کی زیر صدارت لاک ڈاؤن کے حوالے سے اجلاس ہوا،وزیر اعلیٰ نے آئی جی سندھ کو لاک ڈاؤن کو مزید سخت کرنے کی ہدایت کردی، وزیراعلیٰ سندھ مراد علی شاہ کا کہنا تھا کہ عوام کو لاک ڈاؤن اور حکومتی فیصلوں کا احترام کرنا ہوگا مساجد میں نمازیوں کی تعداد کو محدود کرنے کا فیصلہ دکھ کے ساتھ کیا شہریوں سے اپیل ہے اپنے اور خاندان کے لئے لاک ڈاؤن پر عمل کریں لاک ڈاؤن مزید موثر کرنا ہے لوگ ابھی تک شہر میں گھوم رہے ہیں

Leave a reply