سیہون شریف حادثہ، 20 اموات،تدفین کیلئے اجتماعی قبریں کھودی جا رہی

سیہون میں درناک، المناک ٹریفک حادثہ ہوا ہے، ایک ہی خاندان کے 20 افراد کی موت ہو گئی ہے

زائرین کی وین انڈس ہائی وے روڈ پر لگائے کٹ میں جاگری، خواتین اور بچوں سمیت 20 افراد جاں بحق ہو گئے، زائرین کی وین کو حادثہ انڈس ہائی وے ٹول پلازہ کے قریب پیش آیا زائرین کی وین خیرپور سے سیہون جاتے ہوئے حادثے کا شکار ہوئی زائرین کی وین میں خواتین اور بچے بھی سوار تھے ،لاشیں آبائی علاقے میں پہنچا دی گئی ہیں، تدفین کے لئے اجتماعی قبروں کی کھدائی کی جارہی ہے۔ حادثے کے بعد علاقے میں سوگ کی فضا ہے، پولیس کا کہنا ہے کہ سیلاب کی وجہ سے پانی کے اخراج کیلئے کٹ لگائے گئے جو بھرے نا جا سکے

اطلاعات کے مطابق خیرپورکارہائشی شاہنوازکے گھرمیں7 بیٹیوں کے بعد بیٹا پیداہوا تھاجس کی خوشی میں وہ اپنی فیملی اوررشتہ داروں کے ہمراہ زیارت کے لئے سیہون شریف جارہا تھا لیکن بدنصیب فیملی کی خوشیاں ماتم میں تبدیل ہوگئی بیٹا اور بیٹیوں سمیت 20 افراد حادثے کا شکاربن گئے

سیہون وین حادثہ میں فوت ہونے والوں کے نام مندرجہ ذیل ہیں

01 کلثوم ولد الطاف حسین
02 مسمات صدیر زوجہ غلام حیدر
03 ہیر ولد غلام شبیر۔
04 محمودہ ولد غلام شبیر
05 نعمان ولد الطاف
06 مسمات سنہ زوجہ عرفان علی
07 دلشاد ولد الطاف حسین
08 مسمات بھمبل خاتون زوجہ غلام حیدر
09 بینظیر زوجہ شاہنواز
10 اللہ ڈنو ولد شاہنواز
11 عثمان ولد غلام شبیر
12 محبوب ولد غلام عباس
13 مسمات جمن خاتون زوجہ غلام عباس
14 مسمات لیلا زوجہ غلام نبی
15 مسمات شاہدہ زوجہ شاہ نواز
16 شھزادو ولد غلام عباس
17 مسمات سونھ ولد شاہنواز
18 شاہنواز ولد غلام عباس
19 مدیہ ولد غلام عباس
20 اللہ دنی ولد غلام رضا

تمام فوت ہونے والے بچے اور خواتین فلپوٹو برادری سے تعلق تھا جوکہ درگاہ قلندر لعل شھباز پر حاضری دینے آرہے تھے

صدر مملکت ڈاکٹر عارف علوی نے سیہون شریف کے قریب ٹریفک حادثے میں قیمتی جانی نقصان پر اظہار افسوس کیا ہے، صدر مملکت نے واقعے میں جاں بحق ہونے والے افراد کے لواحقین سے اظہار تعزیت کیا ہے،صدر مملکت نے جاں بحق ہونے والے افراد کیلئے دعائے مغفرت کی ہے

سابق صدر آصف علی زرداری نے سیہون کے قریب ٹریفک حادثے پر اظہار افسوس کیا، اور کہا کہ قیمتی انسانی جانوں کے نقصان پر بہت رنجیدہ ہوں، آصف علی زرداری نے ہدایت کی کہ حکومت سندھ حادثے میں جانبحق افراد کے لواحقین کی ہر ممکن مدد کرے ،

پی پی پی چیئرمین و وزیر خارجہ بلاول بھٹو زرداری نے سیہون کے قریب المناک حادثے پر اظہار رنج و غم کیا اور کہا کہ افسوسناک حادثے میں قیمتی جانوں کا ضیاع باعث صدمہ ہے حادثے میں اپنے پیاروں کو کھونے والے خاندانوں کے غم میں برابر کا شریک ہوں