جنوبی تائیوان میں شدید طوفان ’دناس‘ کے باعث تیز ہواؤں اور بارشوں کے نتیجے میں 2 افراد ہلاک اور 330 سے زائد زخمی ہو گئے ہیں، جب کہ 5 لاکھ گھروں کی بجلی منقطع ہو گئی ہے۔
حکام کے مطابق تائیوان میں طوفان اکثر مشرقی پہاڑی علاقوں سے ٹکراتے ہیں، لیکن طوفان داناس نے غیر معمولی طور پر مغربی ساحلی علاقوں کو نشانہ بنایا، جو کہ زیادہ آبادی والے علاقے ہیں، 220 کلومیٹر فی گھنٹہ کی رفتار سے چلنے والی ہواؤں نے 700 سے زائد درخت اور سڑک کے اشارے اکھاڑ دیئے یونلِن کاؤنٹی میں سب سے زیادہ طوفانی ہوائیں ریکارڈ کی گئیں،ایک شخص درخت گرنے سے اور دوسرا وینٹیلیٹر بند ہونے کی وجہ سے جان سے گیا-
تائیوان کے صدر لائی چنگ-تے نے فیس بک پر اپنے پیغام میں عوام سے کہا کہ وہ مکمل احتیاط کریں، کیونکہ یہ طوفان ملک کے تمام حصوں کو متاثر کر سکتا ہے۔
دوسری طرف، چین کے مشرقی صوبے ژی جیانگ میں بھی خطرے کا الرٹ جاری کیا گیا ہے چینی محکمہ موسمیات کے مطابق، طوفان منگل کی رات تک فو جیان اور تائیژو کے درمیان لینڈ فال کرے گا احتیاطی تدابیر کے طور پر، 121 مسافر بحری جہاز، 64 فیری سروسز، اور 181 تعمیراتی منصوبے معطل کر دیے گئے ہیں۔
