ممتاز حیدر
پاکستان پیپلز پارٹی ساہیوال کے سینئر رہنما حسن اقبال جوئیہ نے پارٹی کے بزرگ رہنما اور اہم سیاسی شخصیت تاج حیدر کی وفات پر گہرے رنج و غم کا اظہار کیا ہے۔
حسن اقبال جوئیہ کا کہنا تھا کہ تاج حیدر کی وفات پارٹی کے لیے ایک ناقابل تلافی نقصان ہے۔ وہ ایک شاندار سیاستدان، اصول پسند رہنما اور عوام کے حقوق کے لیے ہمیشہ کوشاں رہنے والے شخص تھے۔ تاج حیدر کی قیادت میں پیپلز پارٹی نے کئی اہم سیاسی اور سماجی تبدیلیوں کی راہ ہموار کی۔ ان کی رہنمائی میں پارٹی نے ہمیشہ عوامی مسائل کو اولین ترجیح دی اور ان کے حقوق کے لیے جدوجہد کی۔ تاج حیدر کی وفات سے نہ صرف پیپلز پارٹی کو بلکہ پورے ملک کو ایک عظیم رہنما سے محروم ہونا پڑا ہے۔ ان کی خدمات ہمیشہ یاد رکھی جائیں گی، اور ان کے نقش قدم پر چلنے کی ضرورت ہے تاکہ ان کی نظریات اور اصولوں کو زندہ رکھا جا سکے۔
حسن اقبال جوئیہ نے تاج حیدر کے اہل خانہ سے تعزیت کا اظہار کرتے ہوئے دعا کی کہ اللہ تعالیٰ مرحوم کی مغفرت فرمائے اور ان کے اہل خانہ کو صبر و سکون دے۔
