معروف تجزیہ نگار و کالم نویس نذیر ناجی وفات پا گئے

لاہور: معروف تجزیہ نگار و کالم نویس نذیر ناجی وفات پا گئے-

باغی ٹی وی: خاندانی ذرائع کے مطابق نذیر ناجی لاہور کے نجی ہسپتال میں زیرعلاج تھے،نذیر ناجی کی عمر 81 سال تھی ، نذیر ناجی کو صحافتی خدمات کے اعتراف میں ہلال امتیاز بھی دیا گیا تھا،معروف سماجی و سیاسی شخصیات نذیر ناجی کی وفات پر تعزیتی پیغام جاری کر رہی ہیں –

وزیر اعلیٰ پنجاب محسن نقوی نے سینئر صحافی نذیر ناجی کے انتقال پر دکھ اور افسوس کا اظہار کیا کہا کہ سوگوار خاندان سے دلی ہمدردی و اظہار تعزیت کرتے ہیں ، نذیر ناجی مرحوم کی صحافتی خدمات کو خراج عقیدت پیش کرتے ہیں، نذیر ناجی مرحوم کی شعبہ صحافت کے لئے خدمات کو تا دیر یاد رکھا جائے گا، اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔آمین۔