لنڈی کوتل(باغی ٹی وی رپورٹ ) تخت بھائی کے علاقےساڑوشاہ میں جہازونو ڈاگ سے نوجوان کی ذبح شدہ لاش برآمد ہوئی ہے،مقتول کی شناخت طارق ساکن کامران کلی سے ہوئی،وجہ قتل تاحال معلوم نا ہوسکی،ذرائع
تخت بھائی کامران کلی سے تعلق رکھنے والا طارق ولد شیرزادہ 32 سالہ نوجوان کی ذبح شدہ لاش پر اسرار طور پر تخت بھائی جہازونوں ڈاگ سے ملی
ہے.اس ناخوشگوار واقعے کی اطلاع ملتے ہی پولیس اسٹیشن ساڑوشاہ کے ایس ایچ او ریاض خان جائے وقوعہ پر پہنچ کر مقتول کی لاش کو اٹھاکر پوسٹ مارٹم کے لئے تحصیل ہیڈکوارٹر ہسپتال تخت بھائی منتقل کردیا ۔
ذرائع کا بتانا ہے کہ مقتول نوجوان تخت بھائی مینا بازار میں لنڈے (کباڑ) کا کام کرتا تھا، گذشتہ شام اپنے موٹر سائیکل 125 پر کسی کام کے غرض سے گھر سے نکلا تھا جو واپس نہیں آیا اور صبح اس کی لاش ملی۔
مقتول کی گردن کاٹ کر موت کے گھاٹ اتار دیا گیا ،اس اندوہناک واقعے سے علاقے میں خوف و ہراس پھیل گیا۔ ساڑوشاہ پولیس چکرا گئی۔ ملزمان تک رسائی کے لئے کیس کی باریک بینی سے تفتیش شروع کردی ۔
