تلہ گنگ (باغی ٹی وی نامہ نگار) باغی ٹی وی کی کامیاب 13 سالہ خدمات کے مکمل ہونے پر ایک شاندار تقریب کا انعقاد کیا گیا، جس میں باغی ٹی وی کی ٹیم کی محنت اور کامیابیوں کو خراجِ تحسین پیش کیا گیا۔
تقریب کے دوران باغی ٹی وی کی 13ویں سالگرہ کا کیک کاٹا گیا۔ اس موقع پر صدر ریسٹورنٹس کیٹرز سویٹس اینڈ بیکرز ایسوسی ایشن محمد فاروق چوہدری، سینئر نائب صدر ملک فضل الرحمان، باغی ٹی وی کے نامہ نگار شوکت علی ملک، محمد عمران چوہدری، اور خرم شہزاد مغل نے خصوصی شرکت کی اور کیک کٹنگ سرمنی میں حصہ لیا۔
تقریب کے دوران محمد فاروق چوہدری اور ملک فضل الرحمان نے باغی ٹی وی کی ٹیم کو مبارکباد دیتے ہوئے کہا کہ مختصر وقت میں باغی ٹی وی نے ڈیجیٹل دنیا میں اپنی منفرد پہچان بنائی ہے۔ انہوں نے باغی ٹی وی کے سی ای او مبشر لقمان، ایڈیٹر ممتاز حیدر اعوان اور انچارج نمائندگان ڈاکٹر غلام مصطفیٰ بڈانی سمیت پوری ٹیم کی کوششوں کو سراہا۔
انہوں نے امید ظاہر کی کہ باغی ٹی وی مستقبل میں بھی حق و سچ کی آواز بلند کرتے ہوئے مزید کامیابیاں حاصل کرے گا۔ تقریب کا اختتام دعاؤں اور نیک تمناؤں کے ساتھ ہوا۔
Shares:
