چین میں بیوی سے ہوئی طلاق سے ناراض ایک شخص نے اپنی تیز رفتار کار سڑک کنارے کھڑے شہریوں پر چڑھا دی، جس کے نتیجے میں 35 افراد ہلاک اور 43 زخمی ہوگئے۔
باغی ٹی وی : عالمی خبر رساں ادارے کے مطابق یہ حادثہ چین کے شہر زوہائی میں ایک اسپورٹ سینٹر کے اسٹیڈیم میں اُس وقت پیش آیا جب وہاں ورزش کرنے والوں کی بڑی تعداد موجود تھی۔
عینی شاہدین نے بتایا کہ تیز رفتار ایس یو وی گاڑی بیئرر کو توڑتے ہوئے اسپورٹ سینٹر میں داخل ہوئی تھی حادثے میں ہلاک اور زخمیوں میں نوعمر اور بزرگ بھی شامل ہیں،کار ڈرائیور کی شناخت 62 سالہ فین کے نام سے ہوئی جسے جائے وقوعہ سے فرار ہونے کی کوشش کے دوران پولیس نے تعاقب کرکے حراست میں لے لیا گرفتار ڈرائیور بھی شدید زخمی ہے جسے علاج کے لیے اسپتال منتقل کیا گیا ہے۔
جنوبی کوریا کے معروف اداکار نے خود کشی کر لی
واضح رہے کہ یہ حادثہ شہر میں سخت سیکیورٹی کے باوجود پیش آیا جہاں ایک بڑے سول اور ملٹری ایئر شو کی میزبانی کی جا رہی ہے،پولیس کے بقول ابتدائی تحقیقات سے پتہ چلتا ہے کہ مذکورہ شخص نے طلاق کے بعد جائیداد کے تصفیے کے فیصلے کا غصہ شہریوں کو کچل کر نکالا، واقعے کے وقت اسٹیڈیم میں لوگوں کے کم از کم 6 گروپس چہل قدمی اور ورزش کر رہے تھے۔
