اینٹی نارکوٹکس فورس نے منشیات سپلائی کے خلاف تعلیمی اداروں اور ملک کے مختلف شہروں میں 10 کارروائیوں کے دوران 9 ملزمان کو گرفتار کر کے ان کے قبضے سی1231 کلو گرام منشیات برآمد کر لی۔
ترجمان اے این ایف کے مطابق برآمد شدہ منشیات کی مالیت 22 کروڑ بتائی گئی ہے۔اے این ایف کے ترجمان کے مطابق کراچی میں کورنگی روڈ پر موٹر سائیکل سوار سے 250 گرام ہیروئن برآمد ہوئی۔گرفتار ملزم نے کراچی کے تعلیمی اداروں کے طلباء کو منشیات فروخت کرنے کا اعتراف کیا ہے۔لاہور انٹرنیشنل ایئرپورٹ پر بحرین جانے والے مسافر کے پیٹ سی40 ہیروئن سے بھرے کیپسول برآمد کر لیے گئے۔ایم ون انٹرچینج اسلام آباد کے قریب گاڑی میں چھپائی گئی 8.4 کلو چرس برآمد کر کے ملزم کو گرفتار کر لیا گیا۔ڈسکہ چوک سیالکوٹ کیقریب ملزم کے قبضے سے 3 کلو ہیروئن، 2 کلو آئس، 1.2 کلو چرس برآمد کر لی گئی۔اٹک میں بھی برہان ٹول پلازہ کے قریب ملزم کے قبضے سے 700 کلو چرس برآمد کی گئی۔ ترجمان اے این ایف کے مطابق گرفتار ملزمان کے خلاف انسدادِ منشیات ایکٹ کے تحت مقدمہ درج کر کے تحقیقات کا آغاز کر دیا گیا ہے۔
پیپلزپارٹی کا حکومتی پالیسیوں کی کھل کر مخالفت کرنے کا فیصلہ
کرم کے کشیدہ علاقوں میں کرفیو نافذ
وزیر اعلیٰ پنجاب اسکالرشپ پروگرام 100 ارب تک بڑھانے کا اعلان
کراچی انٹر بورڈ کا اسکروٹنی فیس میں 50 فیصد رعایت کا اعلان
