سعد فاروق
سیکیورٹیز اینڈ ایکسچینج کمیشن آف پاکستان نے ملک میں بدلتی ہوئی جیو پولیٹیکل صورتحال اور بڑھتے ہوئے سائبر سیکیورٹی خطرات کے پیش نظر تمام رجسٹرڈ کمپنیوں کے لیے ایک اہم سائبر سیکیورٹی ایڈوائزری جاری کر دی ہے۔
ایس ای سی پی کی جانب سے جاری اعلامیے میں کمپنیوں کو ہدایت کی گئی ہے کہ وہ سائبر سیکیورٹی کے بہترین اور جدید طریقہ کار اپنائیں تاکہ ڈیٹا کے ضیاع، آپریشنل خلل اور ادارہ جاتی ساکھ کو نقصان سے بچایا جا سکے۔ایڈوائزری میں درج اہم نکات میں شامل ہیں،رسائی پر سخت کنٹرول: اداروں کو چاہیے کہ وہ حساس نظاموں اور ڈیٹا تک رسائی کو محدود اور مانیٹر کریں۔نیٹ ورک کی کمزوریاں کم کریں: سسٹمز کو باقاعدہ اپ ڈیٹ کریں اور ممکنہ سیکیورٹی خامیوں کو دور کریں۔حملوں سے نمٹنے کی تیاری: سائبر حملوں کی صورت میں فوری ردِعمل کی حکمت عملی تیار کریں۔
اعلامیے میں مزید کہا گیا ہے کہ صارفین میں آگاہی پیدا کریں: ملازمین اور صارفین کو سائبر خطرات اور ان سے بچاؤ کے طریقوں سے باخبر کریں۔ اگر کمپنیاں ان حفاظتی اقدامات پر عمل نہیں کرتیں تو نہ صرف ان کا ڈیٹا ضائع ہونے کا خدشہ ہے بلکہ ان کی مارکیٹ میں ساکھ بھی متاثر ہو سکتی ہے۔ایس ای سی پی نے اس عزم کا اعادہ کیا کہ وہ مالیاتی اور معلوماتی نظاموں کے تحفظ کے لیے کمپنیوں کے ساتھ بھرپور تعاون جاری رکھے گی اور اس حوالے سے مزید رہنمائی بھی فراہم کی جائے گی۔
محسن نقوی سے امریکی قائم مقام سفیر کی ملاقات، علاقائی امن پر تبادلہ خیال
چیئرمین آئی سی سی جے شاہ کے خلاف احتجاج شدت اختیار کر گیا، غیرجانبداری پر سوالات
میں اسے گولی مار دوں گا،یہ بدمعاش ہے،لال مسجد سے مولانا عبدالعزیز نے مفتی عبدالقوی کونکال دیا
طالبان کے نائب وزیر داخلہ ابراہیم صدر کا ‘خفیہ دورہ’ انڈیا، اہم ملاقاتیں
