ڈھاکا پریمئیر لیگ کے میچ کے دوران فیلڈنگ کرتے ہوئے سابق بنگلادیشی کپتان تمیم اقبال کی طبیعت خراب ہو گئی۔
باغی ٹی و ی: سابق ٹیسٹ کرکٹر تمیم اقبال کو سینے میں تکلیف کی وجہ سے اسپتال لے جایا گیا ہےتمیم اقبال کو اسپتال لے جانے کے لیے ہیلی کاپٹر کا بندو بست کیا گیا۔
رپورٹس کے مطابق 36 سالہ تمیم 50 اوورز کی ڈھاکہ پریمیئر ڈویژن کرکٹ لیگ کے ایک میچ میں محمڈن اسپورٹنگ کلب کی قیادت کر رہے تھے انہوں نے ٹاس میں حصہ لیا لیکن بعد میں سینے میں درد کی شکایت کی اور میدان میں ابتدائی علاج کے بعد انہیں قریبی اسپتال منتقل کیا گیا۔
جنت مرزا نے ڈراموں میں کام نہ کرنے کی وجوہات سے پردہ اٹھا دیا
بنگلہ دیش کرکٹ بورڈ (بی سی بی) کے ایک میڈیکل آفیسر دیباشیس چودھری نے اے ایف پی کو بتایا، "انہیں دل کا دورہ پڑاتاہم اب وہ بہتر ہیں،ٹیم کے ایک اہلکار طارق الاسلام نے اے ایف پی کو بتایا کہ تمیم ڈھاکہ کے مضافات میں ساور کے ایک ہسپتال میں زیر علاج تھے اور انہوں نے بنگلہ دیشی عوام پر زور دیا کہ وہ ان کی جلد صحت یابی کے لیے دعا کریں۔
تمیم کی اچانک بیماری کے بعد بی سی بی نے اپنی طے شدہ بورڈ میٹنگ کو دن بھر کے لیے ملتوی کر دیا، بورڈ کے کئی اراکین ان کی عیادت کے لیے ہسپتال گئے۔
جب فیصل قریشی کی بیٹی جنید جمشید کو دیکھ کر رو پڑی
تمیم نے 2007 سے 2023 کے درمیان 391 فارمیٹس میں بنگلہ دیش کی نمائندگی کی،ان کے پاس 15000 سے زیادہ بین الاقوامی رنز ہیں اور وہ تینوں بین الاقوامی فارمیٹس میں سنچریاں بنانے والے واحد بنگلہ دیشی بلے باز ہیں۔
