تنگوانی،باغی ٹی وی(نامہ نگارمنصوربلوچ) ڈاکوؤں کی فائرنگ سے پولیس اہلکار شہید، تین زخمی
تفصیل کے مطابق تنگوانی کے قریب جمال پکے کے علاقے گاؤں اللہ یار نندوانی میں پولیس کے سرچ آپریشن کے دوران ڈاکوؤں کی فائرنگ سے پولیس اہلکار مظہر علی مشہوری شہید ہوگیا، جبکہ تین اہلکار شدید زخمی ہو گئے۔
ذرائع کے مطابق پولیس نے علاقے میں سرچ آپریشن شروع کیا تو ڈاکوؤں نے اچانک اندھا دھند فائرنگ کر دی، جس کے نتیجے میں مظہرعلی مشہوری شہادت کے رتبے پر فائز ہو گیا، جبکہ دیگر تین اہلکاروں کو شدید زخمی حالت میں ہسپتال منتقل کر دیا گیا۔ پولیس نے علاقے کا محاصرہ کر کے ڈاکوؤں کے خلاف مزید کارروائی شروع کر دی ہے۔
