تنگوانی (باغی ٹی وی، نامہ نگار منصور بلوچ) باغی ٹی وی کی 13ویں سالگرہ کا پریس کلب میں کیک کاٹاگیا
آج پریس کلب تنگوانی میں باغی ٹی وی کی 13ویں سالگرہ جوش و خروش کے ساتھ منائی گئی۔ اس موقع پر پریس کلب کے صحافیوں نے بھرپور شرکت کی اور تقریب کے دوران سالگرہ کا کیک کاٹا گیا۔
تقریب میں کے ٹی این نیوز کے رپورٹر عطا الرحمان ملک، مہران ٹی وی کے رپورٹر عطا حسین ملک، کاوش کے رپورٹر سائیں بخش باجکانی، آواز ٹی وی کے رپورٹر صابر علی بھلکانی، سندھ ٹی وی کے رپورٹر عبدالباری ملک، خادم حسین نندوانی اور دیگر معزز صحافی شریک ہوئے۔
پریس کلب تنگوانی کے صدر عطا الرحمن نے اس موقع پر باغی ٹی وی کے نمائندے منصور بلوچ کو باغی ٹی وی کی طرف دیا گیا سرٹیفیکیٹ پیش کیا اور ان کی خدمات کو سراہا۔ تقریب کے دوران صحافیوں نے باغی ٹی وی کی 13 سالہ کامیابیوں کو خراج تحسین پیش کیا اور اس کی خدمات کو سراہتے ہوئے نیک خواہشات کا اظہار کیا۔
پریس کلب تنگوانی کے صدر عطا الرحمن نے سینئراینکرپرسن و معروف صحافی سی ای او باغی ٹی وی مبشرلقمان اور ایڈیٹرباغی ٹی وی ممتازحیدراعوان اور انچارج نمائندگان باغی ٹی وی ڈاکٹرغلام مصطفےٰ بڈانی سمیت پوری ٹیم کو مبارکباد دی اور خراج تحسین پیش کیا.
پریس کلب تنگوانی میں ہونے والی یہ تقریب باغی ٹی وی کی مقامی اور قومی سطح پر خدمات کے اعتراف کے طور پر منعقد کی گئی، جس میں شرکاء نے منصور بلوچ کی محنت اور لگن کی بھی تعریف کی۔
