تنگوانی: ڈاکوؤں کے بعد اب شہرچوروں کے نشانے پرآگیا،ایک ہی رات میں 6 دکانوں کاصفایا

تنگوانی، باغی ٹی وی ( نامہ نگار منصور بلوچ )تنگوانی شہرمیں ڈاکوؤں کے بعد اب چور سرگرم ہوگئے ہیں،ایک ہی رات میں مین بازار سے نامعلوم چور 6 سے زائد دکانوں کے تالے توڑ کر صفایا کر گئے

تفصیل کے مطابق تنگوانی شہر کے مین بازار کی موبائل مارکیٹ سے نامعلوم چوروں نے ظفر ملک، ریاض لاشاری، رب نواز ڈاہانی ،حیدر بکھرانی صوفی ماڑوائی اور دیگر دکانوں کے تالے توڑ کر لاکھوں روپے کی نقدی ،قیمتی سامان اور موبائل فون لے اڑے ،اطلاع کے باوجود بھی پولیس جائے وقوعہ پر نہ پہنچ سکی ہے

دکانداروں کا کہنا ہے کہ پولیس کا گشت اور تھانے کے قریب ہونےکےباوجودچور با آسانی ہماری دکانوں کے تالے توڑ کرلاکھوں روپے مالیت کا سامان چوری کر کے فرار ہوگئے ہیں، اطلاع کے باوجود پولیس کاجائے وقوع پر نہ پہنچنے سے کئی سوالات نے جنم لیا ہے،ان کاکہناتھاکہ پولیس کا گشت اور تھانے کے قریب ہونے کے باوجود یہ واقعہ کیسے رونما ہواجوکہ ایک سوالیہ نشان ہے

شہریوں نے ڈی آئی جی لاڑکانہ اور آئی جی سندھ سےفوری نوٹس لیکر چوری شدہ سامان واپس دلانے اورتحفظ فراہم کرنے کامطالبہ کیا ہے