تنگوانی (باغی ٹی وی، نامہ نگار منصور بلوچ) شہری کا قرآن پاک اٹھا کر بچوں سمیت احتجاج، ٹاؤن کمیٹی پر روزگار چھیننے کا الزام
تفصیل کے مطابق تنگوانی کے شہری محبت گجرانی نے اپنے بچوں کے ہمراہ قرآن پاک اٹھا کر شہر کے مرکزی بازار میں ٹاؤن کمیٹی افسر کے خلاف احتجاج کیا۔ مظاہرہ کرتے ہوئے شہری نے الزام عائد کیا کہ اس نے روزگار کے لیے ایک کیبن لگایا تھا جسے مبینہ سیاسی دباؤ اور مبینہ رشوت نہ دینے پر ہٹا دیا گیا۔
محبت گجرانی احتجاج کے دوران زار و قطار روتے ہوئے کہہ رہا تھا کہ کیبن کے ہٹائے جانے سے اس کا واحد ذریعہ معاش ختم ہو گیا ہے اور وہ اب اپنے بچوں کو کیسے پالے گا۔ اس نے ڈی سی کشمور شبیر علی بجارانی اور دیگر بالا حکام سے اپیل کی ہے کہ اس کے روزگار کا مسئلہ فوری حل کیا جائے اور ناانصافی کا نوٹس لیا جائے۔
