تنگوانی (نامہ نگار منصور بلوچ) جے یو آئی تحصیل تنگوانی کا جنرل اجلاس مدرسہ اشاعت قرآن تنگوانی میں زیر صدارت مولانا محمد صلاح ملک منعقد ہوا۔ اجلاس کی کارروائی سیکرٹری جنرل مولانا نادر علی بھلکانی نے چلائی۔ مہمان خصوصی مولانا عبدالقیوم ہالیجوی، امیر جے یو آئی صوبہ سندھ، اور مولانا شمس الدین بھیری، امیر ضلع کشمور کندھ کوٹ تھے۔
رہنماؤں نے اجلاس میں ضلع کشمور میں بڑھتی ہوئی بدامنی پر تشویش کا اظہار کیا اور کہا کہ اگر انتظامیہ نے بدامنی پر قابو نہ پایا تو جلد ایک تحریک شروع کی جائے گی۔ اجلاس کے آخر میں کشمیریوں کی حمایت میں ریلی نکالی گئی اور بھارت کے مظالم کے خلاف نعرے لگائے گئے۔
