تنگوانی ،باغی ٹی وی(نامہ نگار منصوربلوچ) ایس ٹی پی چیئرمین ڈاکٹر قادر مگسی کی قیادت میں دریائے سندھ سے نہریں نکالنے اور ضلع کشمور میں بدامنی کے خلاف ایک بڑی ریلی نکالی گئی۔
ریلی میں جام فتح سمیجو، نثار کریو، اکرم خان باجکانی، شربت نندوانی، مہتاب ملک سمیت سینکڑوں کارکنوں نے شرکت کی۔ ریلی بس اسٹینڈ سے ملک مارکیٹ تک نکالی گئی، جہاں شرکاء نے حکومت کے خلاف شدید نعرے بازی کی۔
ڈاکٹر قادر مگسی نے خطاب کرتے ہوئے کہا کہ پنجاب سامراج دریائے سندھ سے چھ کینال نکال کر سندھ کی زمینوں کو بنجر بنانا چاہتا ہے، جو ایک گہری سازش ہے۔ انہوں نے الزام عائد کیا کہ زرداری اپنے آقاؤں کو خوش کرنے کے لیے ایسے اقدامات کر رہے ہیں۔
ضلع کشمور میں امن و امان کی بگڑتی صورتحال پر بات کرتے ہوئے انہوں نے کہا کہ یہاں بدامنی کی جڑیں وڈیرے سرداروں اور پولیس تک پھیلی ہوئی ہیں، جو ڈاکوؤں کی سرپرستی کر رہے ہیں۔ ان کا کہنا تھا کہ حکومت نام کی کوئی چیز نظر نہیں آتی، عوام کو بدامنی کے خلاف ایک بڑی تحریک چلانا ہوگی۔
