تنگوانی،باغی ٹی وی(نامہ نگار منصور بلوچ )ڈاکوؤں کی فائرنگ سے نوجوان جاں بحق، دو زخمی، پولیس غائب
تنگوانی کے قریب ڈاکوؤں نے موٹرسائیکل چھیننے کی کوشش کے دوران فائرنگ کر دی، جس کے نتیجے میں تین نوجوان زخمی ہو گئے جبکہ ایک نوجوان زخموں کی تاب نہ لاتے ہوئے جاں بحق ہو گیا۔
واقعہ تھانہ ڈیرہ سر کی حدود میں تھل تنگوانی لنک روڈ پر پیش آیا، جہاں گاؤں دولت گاجانی کے رہائشی ہادی بخش، زاہد اور نزاکت گاجانی تنگوانی شہر سے اپنے گاؤں جا رہے تھے۔ راستے میں ڈاکوؤں نے انہیں روک کر موٹرسائیکل چھیننے کی کوشش کی، تاہم مزاحمت پر فائرنگ کر دی، جس سے تینوں شدید زخمی ہو گئے۔
ڈاکو موبائل فون، نقدی اور بائیک لوٹ کر فرار ہو گئے جبکہ ڈیرہ سر کی پولیس موقع سے غائب رہی۔ زخمیوں کو مقامی افراد نے اپنی مدد آپ کے تحت تنگوانی اسپتال منتقل کیا، جہاں نزاکت گاجانی زخموں کی تاب نہ لاتے ہوئے دم توڑ گیا۔ واقعے کے بعد مقتول کے گھر میں کہرام مچ گیا۔
