مسلم لیگ (ن) کے ایڈیشنل سیکریٹری اطلاعات زاہد خان نے چیئرمین سینیٹ اور اسپیکر قومی اسمبلی کی تنخواہوں میں بڑے اضافے پر حیرت کا اظہار کرتے ہوئے حکومت سے فوری طور پر یہ فیصلہ واپس لینے کا مطالبہ کیا ہے۔
زاہد خان کا کہنا تھا کہ ملک کو اس وقت معاشی بحران سمیت کئی بڑے چیلنجز درپیش ہیں، ایسے حالات میں پارلیمانی عہدوں کی تنخواہوں میں کئی گنا اضافہ کرنا ناقابل فہم ہے۔انہوں نے تنقید کرتے ہوئے کہا کہ ایک طرف حکومت آئی ایم ایف سے قرض حاصل کر رہی ہے، دوسری جانب سرکاری عہدوں پر فائز شخصیات کی مراعات اور تنخواہوں میں اضافہ کیا جا رہا ہے۔
زاہد خان نے یاد دلایا کہ حکومت پہلے ہی اراکینِ پارلیمنٹ اور ججز کی تنخواہوں میں اضافہ کر چکی ہے، اب اسپیکر و چیئرمین سینیٹ کی تنخواہوں میں بھی نمایاں اضافہ کر دیا گیا ہے۔
واضح رہے کہ وزارت پارلیمانی امور کی جانب سے دو روز قبل جاری کردہ نوٹیفکیشن کے مطابق اسپیکر قومی اسمبلی اور چیئرمین سینیٹ کی تنخواہ 2 لاکھ 5 ہزار روپے سے بڑھا کر 13 لاکھ روپے مقرر کر دی گئی ہے، جس کا اطلاق یکم جنوری 2025 سے ہو گا۔
سکندر رضا کی حریف کوچ کے خلاف نسلی تعصب کی شکایت، ایسوسی ایشن کو خط
عید کے دوران ملک بھر میں حادثات، 16 افراد جاں بحق، 62 زخمی
وزیر اعلیٰ پنجاب کہیں گئی نہیں، مگر صاف ستھرا پنجاب نظر آ رہا ہے: میئر کراچی