تھر پارکر میں آسمانی بجلی قیامت بن کے گری

تھرپارکر کے مختلف علاقوں میں گزشتہ رات سے بارش کا سلسلہ جاری ہے تاہم چھاچھرو میں آسمانی بجلی گرنے سے باپ بیٹا جاں بحق جبکہ 100 سے زائد بھیڑ بکریاں بھی مر گئیں۔ گزشتہ رات مٹھی میں تھر کے مختلف علاقوں پر آسمانی بجلی گرنے کے مختلف واقعات پیش آئے، جس میں باپ بیٹا جاں بحق اور بچی زخمی ہوگئی۔
مقامی ذرائع کا کہنا ہے کہ مرنے والے باپ بیٹا گاؤں مٹھو نھڑی کے رہائشی تھے، جب کہ اس گاؤں کے سمیت دیگر علاقوں میں آسمانی بجلی گرنے کے واقعات میں رات گئے 100 سے زائد مویشی ہلاک ہوگئے۔دوسری جانب کراچی میں مطلع جزوی ابر آلود ہے تاہم شام یا رات میں بوندا باندی کا امکان ہے۔
اس کے علاوہ بدین، ٹھٹھہ، میرپورخاص، سانگھڑ اور شہید بینظیر آباد میں بارش متوقع ہے۔