امیر جماعت اسلامی حافظ نعیم الرحمان نے کہا ہے کہ قومی ائیر لائن جو کبھی فخر تھی آج زوال کی مثال بن چکی ہے، قومی ائیر لائن کو جان بوجھ کر تباہ کیا گیا اور اب اسی تباہی کو نجکاری کا جواز بنایا جا رہا ہے-
کراچی میں تربیتی اجتماع سے خطاب کرتے ہوئے حافظ نعیم الرحمان کا کہنا تھا کہ نام نہاد سیاست دان جمہوریت کے نام پر جمہوریت کو قتل کر رہے ہیں، اپنی جماعتوں میں جمہوریت قائم نہ کرنے والے ملک پر حکومت کر رہے ہیں، اس نظام سے نجات کے لیے طویل اور تیز جدوجہد ناگزیر ہے۔
حافظ نعیم الرحمان نے کہا کہ 20 فیصد لوگوں کے پاس 80 فیصد لوگوں کے وسائل ہیں، 20 فیصد لوگوں کا سب پر قبضہ ہے، ملک میں چند طاقتور مزید طاقتور ہوتے چلے جا رہے ہیں، پاکستان پر وڈیروں جاگیر داروں سرمایہ داروں کا کنسورشیم مسلط ہے، یہ کنسورشیم پاکستان کے 25 کروڑ عوام کی بولی لگاتا ہے اس نظام سے نجات کے لیے طویل اور تیز جدوجہد ناگزیر ہے، قومی ایئر لائن جو کبھی فخر تھی آج زوال کی مثال بن چکی ہے۔
فیلڈ مارشل عاصم منیر سے اُردن کی فوجی قیادت کی ملاقات
ان کا کہنا تھا کہ قومی ائیر لائن جو کبھی فخر تھی آج زوال کی مثال بن چکی ہے، قومی ائیر لائن کو جان بوجھ کر تباہ کیا گیا اور اب اسی تباہی کو نجکاری کا جواز بنایا جا رہا ہے، پہلے اداروں میں لوٹ مار کی گئی، کرپشن ہوئی اور جعلی بھرتیاں کی گئیں، پھر جب ادارے خسارے میں چلے گئے تو کہا گیا کہ ان سے جان چھڑا لی جائے۔
انہوں نے کہا کہ یہ نجکاری نہیں بلکہ قومی اداروں کی لوٹ سیل ہے، حکومت ایک طرف پرائیویٹ سیکٹر کے فروغ کی بات کرتی ہے لیکن دوسری طرف صنعت کو گیس، پانی اور بجلی فراہم نہیں کی جاتی اور بھاری ٹیکس لگا کر انڈسٹری کو تباہ کیا جا رہا ہے۔
نائیجیریا کی مسجد میں دھماکا، 5 نمازی شہید، 35 زخمی
