سعد فاروق
بھارت کو تاریخی اور عبرت ناک شکست دینے کے بعد پوری قوم نے اپنی مسلح افواج کے ساتھ اظہار یکجہتی کرتے ہوئے واہگہ بارڈر پر فتح کا عظیم الشان جشن منایا۔
باغی ٹی وی کے مطابق اتوار کے روز ہزاروں پاکستانی شہریوں نے سبز ہلالی پرچموں کے ساتھ سرحد پر پہنچ کر اپنے جذبات کا اظہار کیا اور وطن سے وفاداری کا عملی ثبوت دیا۔شرکاء میں نوجوان، بزرگ، خواتین اور بچے شامل تھے جو "اللہ اکبر”، "پاک فوج زندہ باد” اور "پاکستان پائندہ باد” کے نعروں سے فضاء کو گونجاتے رہے۔ اگرچہ پاکستان اسٹیڈیم ابھی زیر تعمیر ہے، لیکن عوام کا جذبہ کسی رکاوٹ کو ماننے کو تیار نہ تھا، اور واہگہ بارڈر پر عوام کا جم غفیر موجود تھا، جو ثابت کر رہا تھا کہ پوری قوم پاک فوج کے شانہ بشانہ کھڑی ہے۔
پریڈ کے اختتام پر شرکاء نے پاکستان رینجرز پنجاب کے جوانوں پر پھول نچھاور کیے، انہیں ہار پہنائے اور "ہمیں تم پر ناز ہے” کے نعروں سے ان کی قربانیوں کو سلام پیش کیا۔ بزرگ خواتین نے رینجرز جوانوں کے ماتھے چوم کر ان کی بہادری کو خراجِ عقیدت پیش کیا۔لاہور سے تعلق رکھنے والی طالبہ مریم نے کہا ہم یہاں بھارت کے خلاف فتح کا جشن منانے آئے ہیں، اور امید ہے کہ مودی کے دماغ پر سوار جنگ کا بخار اب اتر گیا ہو گا۔
نوجوان حمزہ کا کہنا تھاکہ پاکستان نے دنیا کو دکھا دیا ہے کہ ہم اللہ کے سوا کسی سے نہیں ڈرتے، بھارت اب کبھی ہمیں آنکھ دکھانے کی جرات نہیں کرے گا۔ایک خاتون شہری نے کہا اب بھارت خواب میں بھی پاکستان سے جنگ کا تصور نہیں کرے گا، ہماری فوج نے ایسا سبق سکھایا ہے جو تاریخ میں سنہری حروف سے لکھا جائے گا۔”
پریڈ کمانڈر ناصر نے میڈیا سے گفتگو کرتے ہوئے کہا ہم ہر لمحہ الرٹ رہے، دشمن کو آج پھر ہماری طاقت کا اندازہ ہو گیا۔ 2019 میں بھی اسی بارڈر پر ابھینندن کو حوالے کیا تھا، آج کا دن ایک اور کامیابی کا گواہ ہے۔”انہوں نے بتایا کہ کشیدگی کے دنوں میں مقامی افراد کھانا لے کر آتے تھے اور اب وہ ہمیں پھولوں کے ساتھ اپنی محبت دے رہے ہیں۔رینجرز کے جوان علی نے جذبات سے بھرے الفاظ میں کہا کہ میری ماں نے کہا تھا کہ بیٹا پیٹھ پر گولی نہ کھانا، ورنہ دودھ معاف نہیں کروں گی۔ ہم دشمن کے خلاف شہادت کے جذبے سے لڑنے کو تیار ہیں۔”
اس دوران بھارتی سرحد پر مکمل خاموشی اور ویرانی چھائی رہی۔ بھارتی اسٹیڈیم خالی رہا، بی ایس ایف پریڈ میں شریک نہ ہو سکی اور صرف ترنگا خاموشی سے اتارا گیا۔ یہ منظر اس شکست کی گواہی دے رہا تھا جو بھارتی قیادت اور فوج کو ملی۔واہگہ بارڈر ایک بار پھر اس تاریخی سچائی کا گواہ بنا کہ جب قوم متحد ہو تو کوئی دشمن میلی آنکھ سے وطن کی طرف نہیں دیکھ سکتا۔ یہ جشن صرف کامیابی کا نہیں بلکہ قومی غیرت، یکجہتی، شہادت اور عزم کا جشن تھا۔
ڈیرہ غازیخان: پریس کلب کے زیراہتمام،یومِ تشکر پر پاک فوج سے اظہارِ یکجہتی، ریلی نکالی گئی
پاکستان کی تاریخی دفاعی فتح پر عالمی میڈیا حیران
ایس-400 کی تباہی پاک بھارت کشیدگی کا سب سے بڑا واقعہ قرار
بھارتی اپوزیشن کا مودی سے آپریشن سندور پر پارلیمنٹ میں وضاحت دینے کا مطالبہ
