طارق بگٹی کی بطور صدر پی ایچ ایف تعیناتی کی تصدیق
اسلام آباد: پاکستان سپورٹس بورڈ نے طارق بگٹی کی بطور صدر پی ایچ ایف تعیناتی کی تصدیق کردی۔
باغی ٹی وی : تفصیلات کے مطابق پاکستان سپورٹس بورڈ نے اس ضمن میں ایک تصدیقی خط ہاکی فیڈریشن حکام کے حوالے کیا ہے جس میں درج ہے کہ سپورٹس بورڈ کے نمائندے کی موجودگی میں وزیر اعظم کے نامزد کردہ امیدوار طارق بگٹی کو ہاؤس نے اعتماد کا ووٹ دے دیا ہے اور اب پی ایچ ایف کا صدر طارق بگٹی کو مقرر کردیا گیا ہے۔
طارق بگٹی کےساتھ ہاؤس سے اعتماد کا ووٹ لینے والے سیکرٹری پی ایچ ایف رانا مجاہد نے خط اور دوسرے شواہد ایف آئی ایچ کو بھیج دیئے ہیں، اذلان شاہ ہاکی ٹورنامنٹ سےپہلے ایف آئی ایچ حقیقی پاکستان ہاکی فیڈریشن کا تعین کرے گی،پاکستان سپورٹس بورڈ اذلان شاہ ہاکی ٹورنامنٹ کے لئے کیمپ کے اخراجات برداشت کررہا ہےسپورٹس بورڈ ہی اذلان شاہ ہاکی ٹورنامنٹ کے لئے ٹیم بھجوائے گا، ٹرائلز ایک دن تاخیر کے ساتھ اتوار کو شیڈول ہیں، کراچی کیمپ کا حصہ بنے بعض کھلاڑیوں کے بھی آج اسلام آباد کیمپ میں رپور ٹ کرنے کا امکان ہے۔
وزیر اعظم یوتھ پروگرام کے چیئرمین رانا مشہود نے ٹیم منتخب کرنے کا ٹاسک ڈچ کوچ کو دے رکھا ہے، ٹرائلز میں رولنٹ اولٹمنز کے ساتھ پی او اے اور پی ایس بی کے نمائندے بھی موجود ہوں گے، پی او اے نے منظور الحسن سینئر کو اپنا نمائندہ مقرر کیا ہے،اذلان شاہ ہاکی ٹورنامنٹ کے لئے قومی ٹیم کی دو مئی کو ملائشیا روانگی کا پلان ترتیب دیا جارہا ہے اذلان شاہ ہاکی ٹورنامنٹ چار سے گیارہ مئی تک ملائشیا کے شہر ایپوہ میں کھیلا جائےگا۔
