ڈیرہ غازیخان(باغی ٹی وی ) ضلع تونسہ میں ایچ آئی وی کیسز کی تعداد میں غیر معمولی اضافہ دیکھنے میں آیا ہے، گزشتہ تین ماہ کے دوران 100 سے زائد افراد میں ایچ آئی وی کی تصدیق ہوئی ہے، جن میں زیادہ تعداد بچوں کی ہے۔
ڈپٹی کمشنر تونسہ عثمان خالد کے مطابق دسمبر 2024 میں صرف ایک کیس رپورٹ ہوا تھا تاہم اسکریننگ کے بعد 100 سے زائد افراد میں وائرس کی موجودگی کا انکشاف ہوا، متاثرہ مریضوں کو رجسٹر کرکے علاج کا آغاز کر دیا گیا ہے۔
حکام کے مطابق ایچ آئی وی کے پھیلاؤ کی وجوہات جاننے کے لیے تحقیقاتی کمیٹی تشکیل دے دی گئی ہے۔ ابتدائی تحقیقات میں یہ خدشہ ظاہر کیا جا رہا ہے کہ وائرس غیر مستند اتائیوں ڈاکٹروں کے استعمال شدہ آلات اور غیر محفوظ خون کی منتقلی کے باعث پھیلا ہے۔
