طویل وقفے کے بعد کرکٹ میں واپسی مشکل ہوگی، قومی ٹیسٹ ٹیم کے کپتان اظہر علی نے مزید کیا کہا؟

طویل وقفے کے بعد کرکٹ میں واپسی مشکل ہوگی، قومی ٹیسٹ ٹیم کے کپتان اظہر علی نے مزید کیا کہا؟

باغی ٹی وی کی رپورٹ کے مطابق قومی ٹیسٹ ٹیم کے کپتان اظہر علی نے ویڈیو لنک پریس کانفرنس میں کہا ہے کہ ہم ایک پلان کے تحت نوجوان کھلاڑیوں کو آسٹریلیا لے کر گئے ۔ آسٹریلیا میں شکست کے بعد ہماری ٹیم ردھم میں آگئی ہے ۔

اظہر علی کا مزید کہنا تھا کہ نوجوان کھلاڑیوں نے اچھاپرفارم کرنا شروع کردیا ہے ۔اس وقت ہمارا ٹیم کمبی نیشن اچھا بن گیا ہے ۔ موجودہ صورت حال بہت مشکل ہے ۔ دعا گو ہوں کہ جلد سے جلد اس صورت حال سے باہر نکلیں اور معاملات درست ہوں،پی ایس ایل میں کمنٹری کا تجربہ بہت اچھا رہا ۔بہت سے لوگوں کو ملنے کا موقع ملا اور کافی کچھ سیکھاہے ۔ سپاٹ فکسنگ کے حوالے سے میرا جو پہلے تھا وہی اب ہے ۔ ٹی ٹونٹی کرکٹ سے ٹیسٹ فارمیٹ کے لئے کھلاڑی کی صلاحیت کوجانچنا مشکل ہوتا ہے.

اظہر علی کا مزید کہنا تھا کہ پی سی بی نے اعلان کیا ہے کہ جون تک وہ معاشی معاملات کو اسی طرح رکھیں گے ۔ معاشی صورت حال کو دیکھ کر پی سی بی جو بہترین فیصلہ کرے گا اس کو قبول کیا جائے گا۔اس وقت ساری دنیا مشکل صورت حال کا شکار ہے ۔ اس صورت حال میں سب لوگ ہی متاثر ہو رہے ہیں،محمد عامر اور وہاب ریاض کے جانے کے بعد آسٹریلیا میں مشکل ہوئی ۔شاہین شاہ آفریدی، محمدعباس ، نسیم شاہ نے عمدہ کارکردگی دکھاکر خود کو منوایا ہے ۔ویڈیو لنک ٹیسٹ کا مرحلہ مشکل ہوگا۔ ویڈیو لنک فٹنس ٹیسٹ کو لے کر کھلاڑی پرجوش ہیں۔ اس فٹنس ٹیسٹ ہمیں خود کو متحرک رکھنے کے لئے اہم موقع ہے

اظہر علی کا مزید کہنا تھا کہ اس وقت ہماری ٹیسٹ ٹیم کا اچھا کمبی نیشن بن گیا ہے ۔ جو اہداف سیٹ کئے تھے ان کو حاصل کرنے کی طرف جارہے ہیں ۔کوشش ہے کہ ٹیسٹ ٹیم کی سلیکشن میں تسلسل کو برقرار رکھا جائے ،عوام سے اپیل ہے کہ وہ لاک ڈاوں کی پابندی کریں ۔ یہ لاک ڈاون ہماری بہتری کے لئے ہے اور ہمیں اس پر عمل کرنا ہے،

اظہر علی کا مزید کہنا تھا کہ ایک طویل وقفے کے بعد کرکٹ میں واپسی مشکل ہوگی۔ ہم اپنے طور پر کوشش کررہے ہیں کہ خود کو فٹ اور متحرک رکھ سکیں ۔ واپسی کے لئے ہم کوشش کریں گے کہ کچھ پریکٹس میچز ہوجائیں ۔ ہمیں معلوم نہیں کہ یہ وقفہ کتنا طویل ہوگا۔