لاہور: طیفی بٹ کے بہنوئی جاوید بٹ کے قتل کے معاملے میں امیر فتح ٹیپو کی گرفتاری کے لیے پولیس نے بڑا چھاپہ مارا
اچھرہ انوسٹی گیشن پولیس نے رات گئے امیر بالاج کے ڈیرے پر چھاپہ مارا اور دو افراد کو حراست میں لے لیا،پولیس کے مطابق جاوید بٹ قتل کیس میں نامزد ملزم امیر فتح کی عدم پیشی پر اس کی ضمانت خارج ہو چکی ہے،ڈی ایس پی گلبرگ سرکل قمر عباس کی قیادت میں پولیس نے بالاج ٹیپو کے بھائی امیر فتح اور اشتہاری ملزم عارف خان کی گرفتاری کے لیے چھاپہ مارا،انوسٹی گیشن پولیس نے طارق اور سہیل بٹ کو حراست میں لیا
جاوید بٹ قتل کیس کا مقدمہ تھانہ اچھرہ میں درج ہے، ایف آئی آر میں امیر فتح اور قیصر بٹ کے نام شامل تھے،نامزد ملزم قیصر بٹ نے طیفی بٹ گروپ کے ساتھ صلح کر لی، جس کے بعد جاوید بٹ کے بیٹے نے قیصر بٹ کا نام مقدمے سے نکالوا دیا،پولیس نے مقدمے میں دو دیگر شوٹرز کو بھی گرفتار کیا تھا، جن کی عدالت سے ضمانت ہو گئی تھی،ڈی ایس پی قمر عباس کے مطابق جاوید بٹ قتل کیس میں نامزد ملزم امیر فتح کو پولیس نے بے گناہ نہیں لکھا
