ڈیرہ غازیخان(باغی ٹی وی )پل غازی گھاٹ پرخوفناک حادثہ، 4 افراد جاں بحق، 1 شدید زخمی
پل غازی گھاٹ پر تیز رفتار ٹرک اور موٹر سائیکل کے درمیان خوفناک تصادم میں چار افراد جاں بحق جبکہ ایک شدید زخمی ہوگیا۔ زخمی کو فوری طور پر ٹراما سینٹر منتقل کر دیا گیا۔
ریسکیو ذرائع کے مطابق، ایک تیز رفتار ٹرک جو ڈیرہ غازی خان کی سمت جا رہا تھا، مخالف سمت سے آنے والے ٹرک کی بریک فیل ہونے کے باعث موٹر سائیکل سے ٹکرا گیا۔ حادثے میں موٹر سائیکل سوار افراد ٹرک کے نیچے آ کر کچلے گئے۔
ریسکیو ٹیم کے مطابق، دو افراد موقع پر ہی جاں بحق ہوگئے جبکہ دو مزید افراد ہسپتال منتقل کرنے کے دوران دم توڑ گئے۔ شدید زخمی شخص کو ٹراما سینٹر ڈیرہ ٹیچنگ اسپتال منتقل کر دیا گیا۔
جاں بحق ہونے والوں کی شناخت قاسم، حاجی محمد، اعظم اور احمد راجو کے ناموں سے ہوئی ہے ، جبکہ زخمی شخص کی شناخت ظفر کے طور پر کی گئی ہے۔ تمام متاثرین کا تعلق سرور والی کے رہائشی تھے اور ان کا تعلق سیکر برادری سے بتایا گیاہے۔
حادثے کے بعد ٹرک ڈرائیور موقع سے فرار ہوگیا، جس کی تلاش جاری ہے۔
