ہوم گراؤنڈ پر ایک اور کلین سوئپ کے بعد بھارتی کرکٹ ٹیم ورلڈ ٹیسٹ چیمپئن شپ کے پوائنٹس ٹیبل پر پاکستان سے نیچے چلی گئی۔
بدھ کو جنوبی افریقا نے گوہاٹی ٹیسٹ میں بھارت کو 408 رنز کے بھاری مارجن سے شکست دے کر سیریز میں 0-2 سے کلین سوئپ مکمل کر لیا،بھارت کو دوسری اننگز میں 549 رنز کا ہدف ملا، لیکن پوری بھارتی ٹیم صرف 140 رنز پر ڈھیر ہوگئی،یوں جنوبی افریقا نے 25 سال بعد بھارتی سر زمین پر ٹیسٹ سیریز جیتنے کا اعزاز حاصل کرلیا،بھارت کو گوتم گمبھیر کی کوچنگ میں دوسری بار گھر پر کلین سوئپ کا سامنا کرنا پڑا۔ اس سے قبل 2024 میں نیوزی لینڈ نے بھی بھارت کے غرور کو خاک میں ملایا تھا۔
جنوبی افریقا کے خلاف کلین سوئپ کے بعد بھارتی کرکٹ ٹیم ورلڈ ٹیسٹ چیمپئن شپ کے پوائنٹس ٹیبل پر پاکستان سے نیچے چلی گئی۔ ورلڈ ٹیسٹ چیمپئن شپ کے پوائنٹس ٹیبل کے مطابق آسٹریلیا پہلے، جنوبی افریقا دوسرے اور سری لنکا تیسرے نمبر پر ہے۔پاکستان کا ورلڈ ٹیسٹ چیمپئن شپ کے پوائنٹس ٹیبل پر چوتھا جبکہ بھارت کا پانچواں نمبر ہے۔
