ٹیسٹ سیریز میں پاکستان کی کامیابی،نسیم شاہ کی ہیٹرک، وزیراعلیٰ پنجاب نے دی مبارکباد

ٹیسٹ سیریز میں پاکستان کی کامیابی،نسیم شاہ کی ہیٹرک، وزیراعلیٰ پنجاب نے دی مبارکباد

باغی ٹی وی کی رپورٹ کے مطابق وزیراعلیٰ پنجاب عثمان بزدار نے بنگلہ دیش کے خلاف پہلا ٹیسٹ میچ جیتنے پر قومی کرکٹ ٹیم کو مبارکباد دی ہے، وزیراعلیٰ پنجاب عثمان بزدار کا کہنا ہے کہ ایک اننگز اور 44 رنز سے بنگلہ دیش کو شکست پاکستانی کھلاڑیوں کی محنت کا نتیجہ ہے۔ پاکستانی کرکٹرز نے اپنے اعلیٰ صلاحیتوں کا مظاہرہ کرکے بنگلہ دیشی ٹیم کو آؤٹ کلاس کر دیا۔

وزیراعلیٰ پنجاب عثمان بزدار کا مزید کہنا تھا کہ پاکستانی ٹیم کے باؤلرز اور بیٹس مینوں نے بہترین کھیل کا مظاہرہ کرکے شائقین کو محظوظ کیا۔ پاکستانی ٹیم باصلاحیت کھلاڑیوں پر مشتمل ہے، جیت کا سفر جاری رہے گا۔کرکٹ ٹیم اگلے ٹیسٹ میچ میں فتح حاصل کرکے کلین سویپ کرے گی۔

وزیراعلیٰ پنجاب سردار عثمان بزدارنے نوجوان باؤلر نسیم شاہ کو بنگلہ دیش کے خلاف ٹیسٹ میچ میں ہیٹرک پر مبارکباد دی ہے، وزیراعلیٰ پنجاب کا کہنا ہے کہ کم عمری میں نسیم شاہ کی ہیٹرک نہ صرف پاکستان بلکہ نوجوان باؤلر کیلئے بھی ایک اعزاز ہے۔ نسیم شاہ کی باؤلنگ کی جتنی بھی تعریف کی جائے کم ہے۔ نسیم شاہ نے پیشہ ورانہ صلاحیتوں کا بہترین مظاہرہ کیا ہے۔

وزیراعلیٰ پنجاب عثمان بزدار نے مزید کہا کہ نسیم شاہ نے اپنی عمدہ باؤلنگ کے ذریعے ٹیسٹ میچ میں پاکستان کی جیت کی بنیاد رکھ دی ہے ۔امید ہے نو جوان باؤلر نسیم شاہ مستقبل میں بھی عمدہ کارکردگی دکھا کر کامیابیاں سمیٹیں گے۔ میں کرکٹر نسیم شاہ کی کامیابیوں کیلئے دعاگو ہوں۔